2007 ވަނަ އަހަރު ރިލީޒް ކުރި ކާމިޔާބު ފިލްމް "ބޫލް ބުލައްޔާ" ގެ ތިން ވަނަ ފިލްމް "ބޫލް ބުލައްޔާ 3″ ގެ ރޯލެއް މަޝްހޫރު ބަތަލާ މަދޫރީ ޑިކްސިޓަށް ވެސް ހުށަހަޅާފައިވާ ކަމަށް ރިޕޯޓްތައް ބުނެފި އެވެ.
އަންނަ މަހު ޝޫޓިންގ ފެށުމަށް ތައްޔާރުވަމުން އަންނަ މި ފިލްމްގެ ރޯލެއް މަދޫރީ އަށް ހުށައަޅައި މިހާރު އަންނަނީ މަޝްވަރާ ކުރަމުން ކަމަށްވެއެވެ. މި ރޯލަށް އަދި މަދުރީ ވަކި ޖަވާބެއް ދީފައިއެއް ނުވެއެވެ.
މަދޫރީ އަށް މިފިލްމްގެ ރޯލެއް ހުށައެޅި އިރުގައި މި ފިލްމްއިން މީގެ ފުރަތަމަ ފިލްމް އިން ފެނިގެންދިއަ ޖިންނި އަވަލި މަންޖުލާގެ ރޯލަށް ވިދިޔާ އެނބުރި އަންނަ ވާހަކަ ހިއްސާކޮށް، ކުރީގެ ފިލްމުގެ މަންޒަރުތަކާއި އާންމުކުރި ވީޑީއޯއިން ވިދްޔާ ފެނިގެން ފެނިގެންދާނެ ކަން މިހާރު މި ވަނީ އިއުލާން ކޮށްފައިއެވެ.
View this post on Instagram
ކާމިޔާބު އެތައް ފިލްމެއް ކުޅެފައިވާ މަދޫރީގެ އެންމެ ފަހުގެ ފިލްމަކީ 2022 ގެ "މަޖާ މާ" އެވެ. ވަރަށް މަދުން ފިލްމް ތަކުން ފެނިގެންދާ ބަތަލާ މިހާރު އާންމުކޮށް ފެންނަނީ ރިއަލިޓީ ޝޯވ ތަކުގެ ޖަޖުގެ ގޮތުގައިއެވެ. ނަމަވެސް މީގެ ކުރިން ދިން އިންޓަވިއުއެއްގައި މަދޫރީ ވަނީ މިއަހަރަކީ ވަރަށް ބިޒީ އަހަރެއްކަމަށް ބުނެފައިއެވެ.
ޓީ ސީރީޒުން ޕްރޮޑިއުސްކުރާ "ބޫލް ބުލައްޔާ 3″ ގެ ޑައިރެކްޓަރަކީ 2022 ގެ "ބޫލް ބުލައްޔާ 2″ ގެ ވެސް ޑައިރެކްޓަރު އަނީސް ބަޒްމީ އެވެ. ވަރަށް ކާމިޔާބު އެ ފިލްމުގެ ކާސްޓްގައި ކިއާރާ އަދުވާނީ، ތައްބޫ، އަމަރު އުޕަދޭ، ސަންޖޭ މިޝްރާ އަދި ގޯވިންދު ނަމްދޭވް ހިމެނެ އެވެ.
