ފުލެޓް ލިބިފައިވާކަމަށް ބުނެ އޯޓީޕީ ހޯދައިގެން މިއަދުވެސް 500،000 ރުފިޔާ މަކަރާއި ހީލަތުން ބަޔަކު ހޯދާފައިވާކަމަށް ފުލުހުން ބުނެފިއެވެ.
ފުލުހުން މިއަދު ކުރި އެކްސް ޕޯސްޓެއްގައި ވަނީ، ބުރަ މަސައްކަތުން ހޯދާ ފައިސާއަށް ރައްކާތެރިވެ ވުމަށް އިލްތިމާސް ކޮށްފައެވެ. އަދ މިފަދަ ހީލަތްތެރިންގެ ޝިކާރައަކަށް ނުވުމަށް ނަސޭހްތަތެރިވަމުން ފުލުހުން ބުނެފައިވަނީ ފުލެޓް ކަށަވަރު ކުރުމަށް އެއްވެސް އިދާރާއަކުން އޯޓީޕީއެއް ނުފުނުވާނެ ކަމަށެވެ.
ފުލެޓް ލިބިފައިވާކަމަށް ބުނެ އޯޓީޕީ ހޯދައިގެން މިއަދުވެސް 500،000 ރުފިޔާ މަކަރާއި ހީލަތުން ބަޔަކުވަނީ ހޯދާފަ
ބުރަ މަސައްކަތުން ހޯދާ ފައިސާއަށް ރައްކާތެރިވެ ލައްވާ! މިފަދަ ހީލަތްތެރިންގެ ޝިކާރައަކަށް ވެ ނުލައްވާ!
ފުލެޓް ކަށަވަރު ކުރުމަށް އެއްވެސް އިދާރާއަކުން އޯޓީޕީއެއް ނުފުނުވާނެ pic.twitter.com/JgcoY20Uz2— Maldives Police (@PoliceMv) February 13, 2024
އަމިއްލަ ފޯނަށް އަންނަ އޯޓީޕީ އެންމެ މީހުންނާއި ހިއްސާ ނުކުރުމަށް ފުލުހުންގެ އިތުރު ބޭންކު ތަކުންވެސް ދަނީ އިލްތިމާސް ކުރަމުންނެވެ.
އޯޓީޕީ ފޮނުވައުގެން އެހެން މީހުންގެ އެކައުންޓުތަކުން ފައިސާ ނެގުން މިހާރު ވަނީ ވަރަށް ބޮޑަށް އާންމު ކަމަކަށް ވެފައެވެ. އެގޭ ބައެއް މައްސަލަތައް ތަހުގީގުކޮށް ފުލުހުން ފައިސާ އަނބުރާ ހޯދާފައިވެސް ވެއެވެ.
ކޮމެންޓު ފޮނުވާ