އެކި މައްސަލަތަކުގައި ފުލުހުންގެ ބެލުމުގެދަށަށް ގެނެސްފައިވާ ބައެއް ތަކެތީގެ ވެރިފަރާތް ހޯދުމުގެ ފުލުހުން އިއުލާން ކޮށްފިއެވެ. އޭގެ ތެރޭގައި، މާފަންނު ޕޮލިސް ސްޓޭޝަންގައި، ފުލުހުންގެ ބެލުމުގެ ދަށުގައި އޮތް 100 ރުފިޔާވެސް ހިމެނެއެވެ.
މި ތަކެއްޗަކީ ހޮވައިގެން ގެނެސްފައިވާ ތަކެއްޗާއި ތުހުމަތު ކުރެވިގެން ހުއްޓުވައި ސުވާލުކުރި ބައެއް މީހުންގެ އަތުން ފެނިފައިވާ ތަކެއްޗެވެ. އަދި އެ ތަކެތީގެ ވެރިފަރާތް އެ މީހުންނަށް ބުނެދެވިފައި ނުވާތީ އެ ތަކެތި ވަނީ ފުލުހުންގެ ބެލުމުގެދަށަށް ގެނެސްފައެވެ.
އެގޮތުން ފުލުހުންގެ ބެލުމުގެދަށުގައި ހުރި ތަކެއްޗަކީ:
މާފަންނު ޕޮލިސް ސްޓޭޝަން
ޖަނަވަރީ 30 ވަނަ ދުވަހު ހަނދުވަރީ ހިނގުމުން ހޮވައިގެން ގެނެސްފައިވާ 100 ރުފިޔާ. އިންސިޑެންޓް ނަންބަރު 586528
ފެބުރުވަރީ 5 ވަނަ ދުވަހު ބޮޑުތަކުރުފާނު މަގު، މުނި ޓްރޭޑާސް ކައިރިން ހޮވައިގެން ގެނެސްފައިވާ 2 ޕްރިންޓަރު. އިންސިޑެންޓް ނަންބަރު 586725
މި ތަކެތީގެ ވެރިފަރާތުން 9660183 އަށް ގުޅުއްވައި އިންސިޑެންޓް ނަންބަރާއެކު މައުލޫމާތު ހިއްސާކުރެއްވުމަށް ފުލުހުން ވަނީ އެދިފައެވެ. އަދި ކާކުކަން އެނގޭނެ ލިޔުމަކާއެކު މާފަންނު ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވެލެއްވުމަަށް ވެސް ފުލުހުން އެދިފައި ވެއެވެ.
ގަލޮޅު ޕޮލިސް ސްޓޭޝަން
ޖަނަވަރީ 25 ވަނަ ދުވަހު ނީލޯފަރު މަގުން ވައްކަމުގެ ތުހުމަތުގައި ހުއްޓުވައި ސުވާލުކުރި މީހެއްގެ އަތުން ފެނިފައިވާ، ވަގަށްނަގާފައިވާ ކަމަށް ބެލެވޭ 12 ޖެކް ދަގަނޑު. އިންސިޑެންޓް ނަންބަރު 585468
ޖަނަވަރީ 25 ވަނަ ދުވަހު އަމީނީމަގު، ޣިޔާސުއްދީން ސްކޫލު ކައިރިން ހޮވައިގެން ގެނެސްފައިވާ ރަންފަށެއް. އިންސިޑެންޓް ނަންބަރު 585536
ފެބުރުވަރީ 5 ވަނަ ދުވަހު އަލިކިލެގެފާނު މަގުން ހުއްޓުވައި ސުވާލުކުރި މީހެއްގެ އަތުން ފެނިފައިވާ، ވަގަށް ނަގާފައިވާ ކަމަށް ބެލެވޭ ދެ ހެލްމެޓް. އިންސިޑެންޓް ނަންބަރު 586710
މި ތަކެތީގެ ވެރިފަރާތުން 9631696 އަށް ގުޅުއްވައި އިންސިޑެންޓް ނަންބަރާއެކު މައުލޫމާތު ހިއްސާކުރެއްވުމަށް ފުލުހުން ވަނީ އެދިފައެވެ. އަދި ކާކުކަން އެނގޭނެ ލިޔުމަކާއެކު ގަލޮޅު ޕޮލިސް ސްޓޭޝަނަށް ހާޒިރުވެ ތަކެއްޗާ ހަވާލުވެލެއްވުމަށްވެސް ފުލުހުން ވަނީ އެދިފައިވެއެވެ.
ކޮމެންޓު ފޮނުވާ