ޕްރިމިއާ ލީގުގައި ރޭ އަމިއްލަ ދަނޑުގައި ވެސްޓް ބްރޯމްއާއި ވާދަކޮށް މެންޗެސްޓާ ސިޓީއަށް މޮޅުނުވެވި ލީގުގެ ކުރިއަށް ޖެހިލަން ލިބުނު ފުރުސަތު ނަގާލައިފިއެވެ.
ރޭ ވެސްޓް ބްރޯމްއާއި ވާދަކުރި މެޗް ނިމުނީ 1 ލަނޑު 1 ލަނޑުން ދެ ޓީމު އެއްވަރު ވެގެންނެވެ. މެޗުގައި ވެސްޓް ބްރޯމްގެ ގޯލް ކީޕަރު ސޭމް ޖޯންސްޓޯން ވަނީ މެޗްގައި މޮޅު ކުޅުމެއް ދައްކައި ސިޓީގެ ނުރައްކާތެރި ހަމަލާތައް ހުއްޓުވާފައެވެ.
ވެސްޓް ބްރޮމް އިން ސިޓީ ދަނޑުގައި މެޗު ފެށީ ވެސް ވަރަށް ވަރުގަދަ އެޓޭކު ތަކާއިއެކީގައެވެ. މެޗުގެ ކުރީކޮޅުގައި ވެސްޓް ބްރޮމްގެ ފޯވާޑް ކާލަން ގްރާންޓަށް ލިބުނު ފުރުސަތުން އޭނާ ޖެހި ބޯޅަ ސިޓީގެ ކީޕަރު އެޑަސަން ވަނީ މަތަކޮށްފައެވެ. ސިޓީ އަށް މެޗުގެ 30 ވަނަ މިނިޓްގައި ރަހީމް ސްޓާލިން ދިން ބޯޅައަކުން ލީޑުނަގައިދިނީ އިލްކާއި ގުންޑޮގާންއެވެ. ފުރަަތަމަ ހާފް ނިމުމުގެ ކުރިން ވެސްޓް ބްރޮމް އިން އެއްވަރުކުރީ ސިޓީގެ ރުބެން ޑިއާސް އަތުން ބައިކޮޅަށް ވަން ގޯލަކުންނެވެ.
މި މޮޅާ އެކު ސިޓީ ހަ ވަނަ އަށް ޖެހިލީ 12 މެޗުން 20 ޕޮއިންޓް ހޯދައިގެންނެވެ. ވެސްޓް ބްރޮމް 19 ވަނައިގައި އޮތީ 13 މެޗުން ހަތް ޕޮއިންޓާ އެކު އެވެ. މެޗް އެއްވަރުވުމާއި ގުޅިގެން ހިންހަމަނުޖެހުން ފާޅުކުރަމުން ސިޓީގެ ކޯޗް ގާޑިއޯލާބުނީ ދިގު ސީޒަންއެއްގައި މިފަދަ މެޗްތަކުން 3 ޕޮއިންޓް ހޯދަންޖެހޭކަމަށާއި މިފަދަ ގޯސްތައް ތަކުރާރު ކޮށްގެން ނުވާނެކަމަށެވެ.
ކޮމެންޓު ފޮނުވާ