ފާނަ މަސްވެރިކަން ކުރަމުން އައި ދޯންޏެއްގެ މަސްވެރިޔަކަށް މިޔަރެއް ހަމަލާދީ ވަރަށް ބޮޑަށް ޒަހަމްކޮށްލައިފިއެވެ.
އެ ހާދިސާގައި އަނިޔާވެފައިވަނީ އުމުރުން 28 އަހަރުގެ ދިވެހި ފިރިހެނަކަށެވެ. އޭނާގެ އަތަށް ވަނީ ވަރަށް ބޮޑަށް ޒަހަމްވެފައެވެ.
އެމީހާ އަށް އެންމެ ފުރަތަމަ ފަރުވާ ދިނީ ހއ. ހޯރަފުށީ ހެލްތު ސެންޓަރުގައެވެ. އެކަމަކު، ފަހުން ވަނީ ހދ. ކުޅުދުއްފުށީ ރީޖަނަލް ހޮސްޕިޓަލަށް ގެންގޮސްފައެވެ.
ފާނަ މަސްވެރިކަން ކުރަމުން އައި އެ ދޯންޏަކީ ފ. ފީއަލީގެ ދޯންޏެކެވެ.
މިޔަރަކީ ކަނޑުގައި އުޅޭ އެންމެ ނުރައްކާތެރި އެއް މިޔަރަށްވާ އިރު، މިޔަރު ހަމަލާތަކުގެ ސަބަބުން މީގެ ކުރިން ވެސް ރާއްޖޭގައި ވަރަށް ގިނައިން ފުރާނައަށް ނުރައްކާ ހާދިސާތައް ހިނގާފައި އެބަހުއްޓެވެ.
