މުދަލަށް ގެއްލުން ދިން މައްސަލައެއްގައި ދެ މީހަކު ހޯދަން ފުލުހުން އިއުލާން ކޮށްފިއެވެ.
ފުލުހުން ބުނެފައިވަނީ، މާފަންނު ޕޮލިސް ސްޓޭޝަނުން ތަހުގީގުކުރަމުންދާ، މ. ސަކަން ގޭގައި ހިންގާ މޮއިރާ އޮޓޯ ސަރވިސް އަށް ގެއްލުން ދީފައިވާ މައްސަލައަކާ ގުޅިގެން ހޯދަންބޭނުންވާ ދެމީހުންނަކީ ކޮންބައެއްކަން ދެނެގަނެވިފައިނުވާތީ ހޯދިފައިނުވާ ކަމުގައެވެ. އެހެންކަމުން ފުލުހުންވަނީ ހޯދާ ދެމީހުންގެ ވީޑިއޯއެއް އާންމުކޮށްފައެވެ.
ފުލުހުން ބުނެފައިވަނީ، އާންމުކޮށްފައިވާ ވީޑިއޯއިން ފެންނަ މީހުންނާ ބެހޭ އެއްވެސް މަޢުލޫމާތެއް ލިބިފައިވާ ފަރާތެއްވާނަމަ އެމަޢުލޫމާތެއް މާފަންނު ޕޮލިސް ސްޓޭޝަންގެ ނަންބަރު 9660183 އަށް ގުޅުއްވައި ހިއްސާކުރެއްވުން އެދޭކަމަށެވެ.
މިފަދަ މީހުން ހޯދުމުގައި ރައްޔިތުންގެ ފަރާތުން ފުލުހުންނަށް ލިބެމުންދާ އެއްބާރުލުމަށް ފުލުހުން ޝުކުރު އަދާކޮށްފައި ވެއެވެ.
ކޮމެންޓު ފޮނުވާ