2005 ވަނަ އަހަރު ނެރުނު ކާމިޔާބު ކޮމެޑި ފިލްމް "ނޯ އެންޓްރީ" ގެ ދެވަނަ ބައި "ނޯ އެންޓްރީ މޭ އެންޓްރީ" އަންނަ އަހަރު ބެލުންތެރިނަށް ގެނެސްދޭނެ ކަމަށް ރިޕޯޓްތަށް ބުނެފިއެވެ.
"ނޯ އެންޓްރީ މޭ އެންޓްރީ" ހަދަން ނިންމާފައި ވަނީ މުޅިން އައު ކާސްޓަކާއި އެކުގައިއެވެ. އެއީ އަރުޖުން ކަޕޫރާއި ވަރޫން ދަވަންގެ އިތުރުން ފަގުޑި އެޅި ޕަންޖާބީ އެކްޓަރު ދިލްޖީތު ދޮސަންޖާ އެކީގައިއެވެ.
"ނޯ އެންޓްރީ މޭ އެންޓްރީ" ގެ ނަން ދީފައިވާ މި ފިލްމް އިން ފެނިގެންދާނީ ކުރީގެ ކާސްޓު ކަމަށް މީގެ ކުރިން މީޑިއާ ވަނީ ބުނެފައިއެވެ. އެއީ ސަލްމާން ހާން އާއި ފަރްދިން ހާން އަދި އަނިލް ކަޕޫރުއެވެ. ނަމަވެސް މިހާރު ކާސްޓު އެއްކޮށް ބަދަލުކޮށްގެން ފިލްމް ގެނެސްދޭން ނިންމައިފައިވާ ކަމަށް ވެއެވެ.
މި ފިލްމަކީ އަރުޖުންގެ ބައްޕަ ބޯނީ ކަޕޫރް ޕްރޮޑިއުސްކުރާ އެއްޗެކެވެ. މީޑިއާތަކުން ކުރިން ރިޕޯޓްކޮށްފައިވާ ގޮތުގައި ސީކްއެލްގެ މަސައްކަތް މިހާތަނަށް ނުފެށި އޮތް އެންމެ ބޮޑު އެއް ސަބަބަކީ ބޯނީ އާއި ސަލްމާނާ ދެމެދު ކުރިން އޮތް ގާތްކަން ކެނޑި، ސަލްމާން ބޯނީގެ ޕްރޮޖެކްޓެއްގައި މަސަައްކަތްކުރަން ބޭނުން ނުވުމެވެ.
ބެލުންތެރިންގެ ވަރަށް ބޮޑު މަގުބޫލު ކަމެއް ހޯދި "ނޯ އެންޓްރީ" އަކީ އޮގަސްޓް 26، 2005 ގައި ރިލީޒްކުރި ކޮމެޑީއެކެވެ. މީގެ ބަތަލާއިންގެ ތެރޭގައި ލާރާ ދައްތާ، ބިޕާޝާ ބާސޫ، އީޝާ ޑިއޯލް އަދި ސެލީނާ ޖެއިޓްލީ ހިމެނެ އެވެ.
