އެކްޝަން އެކްޓަރުގެ ގޮތުގައި ވިދަމުން އަންނަ ބޮލީވުޑްގެ އެކްޓަރު ޓައިގާ ޝްރޮޕް ގެ އުންމީދީ ފިލްމް "ރާމްބޯ" ގެ ޝޫޓިން މަހެއްހާ ދުވަހުގެ ތެރޭގައި ފަށަން ޕްލޭންކޮށްފައިވާ ކަމަށް އޭގެ ޕްރޮޑިއުސަރު ސިދާތު އާނަންދު ބުނެފި އެވެ.
މިފިލްމް އިއުލާން ކުރީ މީގެ 6 އަހަރު ކުރިންނެވެ. ނަމަވެސް އެކި އެކި ސަބަބު ތަކާއި ހެދި މިހާރުވެސް ވަރަށް ލަސްބޮޑުވެފައިވާ މި ފިލްމް ގެ ޝޫޓިން ކުރިއަށް އޮތް މަހެއްހައި ދުވަސްގެ ތެރޭގައި ފެށެނެ ކަމަށް މިހާރު ވަނީ އިއުލާން ކޮށްފައިއެވެ.
ޕިންކްވިލާ އަށް ދިން އިންޓަވިއުއެއްގައި ސިދާތު ބުނީ އެ ފިލްމާ ގުޅުން ހުރި ވަރަށް ގިނަ މަސައްކަތްތައް މިހާރު ކުރިއަށްދާ ކަމަށެވެ. އަދި "ރާމްބޯ" ޕްރޮޑިއުސްކުރާނީ "ފައިޓާ" ވެސް އުފެއްދި އޭނަގެ ފިލްމު ކުންފުނި، މާފްލިކްސް ޕިކްޗާސް އިން ކަަމަށާއި ފިލްމު ޑައިރެކްޓްކުރާނީ ރޯހިތު ދަވަން ކަމަށް ވެސް ސިދާތު ބުންޏެވެ. ރޯހިތަކީ އެކްޓަރު ވަރޫން ދަވަންގެ ބޭބެ އެވެ.
ރާންބޯ ގައި ޓައިގާ އާއި އެކުގައި ފެނިގެން ދާނީ ބަތަލާ ޖާންވީ ކަޕޫރުއެވެ. މިއީ މި ދެތަރިން އެކުގައ ކުޅޭ ފުރަތަމަ ފިލްމްއެކެވެ. މި ފިލްމް އަކީ ވަރުގަދަ އެކްޝަން ފިލްމް އަކަށް ވާނެ ކަމަށް ސިދާތު އަންނަނީ ބުނަމުންނެވެ.
