ސިޔާސީ ޕާޓީއަކާ ގުޅުމުގެ ވިސްނުމެއް ނެތް ކަމަށާއި މަޖިލިހުގެ ދައުރު ނިންމާލައްވާނީ އެމްޑީޕީގެ މެމްބަރެއްގެ ގޮތުގައި ކަމަށް ރައްޔިތުންގެ މަޖިލިހުގެ އިހަވަންދޫ ދާއިރާގެ މެމްބަރު މުހައްމަދު ޝިފާއު މިރޭ ވިދާޅުވެއްޖެއެވެ.
ޝިފާއު އެގޮތަށް ވިދާޅުވެފައި ވަނީ އޭނާ ވެރިކަން ކުރާ ޕީއެންސީ އަށް ސޮއިކުރި ކަމަށް ދެކެވޭ ވާހަކަތަކާ ގުޅިގެންނެވެ.
19ވަނަ ރައްޔިތުންގެ މަޖުލީހަށް ހޮވުނީވެސް މޑޕ މެމްބަރެއްގެ ގޮތުގަ. އިރާދުފުޅާއއކު މަޖުލިސް ދައުރު ނިންމާނީވެސް އެގޮތުގަ. އެހެންޕާޓީއެއްގަ މަސަްްކަތް ކުރުމުގެ ވިސްނުމެއްނެތް. އެހެންޕާޓީއަކަށް ނުވެސްދަން. https://t.co/9WifJYkJZE
— Mohamed Shifau (@mhshifau) January 29, 2024
ޝިފާއު "އެކްސް" ގައި ކުރެއްވި ޕޯސްޓެއްގައި ވިދާޅުވީ މިހާރު ހިނގަމުންދާ 19 ވަނަ ރައްޔިތުންގެ މަޖިލީހަށް އޭނާ އިންތިހާބުވީ އެމްޑީޕީގެ މެންބަރެއްގެ ގޮތުގައި ކަމަށެވެ.
"އިރާދުފުޅާއެކު މަޖިލިސް ދައުރު ނިންމާނީވެސް އެގޮތުގައި، އެހެން ޕާޓީއެއްގައި މަސައްކަތް ކުރުމުގެ ވިސްނުމެއް ނެތް. އެހެން ޕާޓީއަކަށް ނުވެސްދަން" ޝިފާއު ވިދާޅުވިއެވެ.
ވިހި ވަނަ މަޖިލީހުގެ އިހަވަންދޫ ދާއިރާގެ މެމްބަރުގޮތުގައި ހުންނެވި ޝިފާއު އަންނަ މަޖިލިސް އިންތިހާބުގައި ވާދަކުރަން އަދި ނުނިންމަވައެވެ.
ރައީސް ޑރ. މުހައްމަދު މުއިއްޒުގެ ކެބިނެޓްގެ ވަޒީރުންނަށް ރުހުން ދިނުމަށް މިއަދު ބޭއްވި ޖަލްސާގައި އިކޮނޮމިކް މިނިސްޓަރު މުހައްމަދު ސައީދާއި ބަންޑާރަ ނައިބު އަހުމަދު އުޝާމާއި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދަށް ރުހުން ދޭން ފެނޭތޯ ނެގި ވޯޓުގައި ޝިފާއު ވިޕްލައިނާ ހިލާފުވެވަޑައިގެންނެވިއެވެ. އެގޮތުން ޝަހީމާއި ސައީދަށް ރުހުން ދޭން ފެންނަ ކަމަށް ވޯޓު ދެއްވާފައިވެއެވެ.
