ބޭސްފަރުވާ ކުރުމަށް އެދި ހުށައަޅާ ފަރާތްތަކަށް އެއޮންނަ އުސޫލުގެ ތެރެއިން އެކަން ހަމަޖައްސައި ދެނީ އެންސްޕާ އަދި އާސަންދައިން ކަމަށާއި، އެކޭސްތަކަށް ރައީސުލްޖުމްހޫރިއްޔާ އިރުޝާދު ދެއްވާ އުސޫލެއް ނޯވޭ ނޯންނަ ކަމުގައި އެސްޕާގެ ސީއީއޯ ހީނާ ވަލީދު ވިދާޅުވެއްޖެއެވެ.
އާސަންދަ އާއި އެންސްޕާގެ އެހީ ދިނުމުގެ ކަންކަމަށް ރައީސް މުއިއްޒު ނުފޫޒު ފޯރުއްވަމުންދާ ކަމަށާ، އެތަކެއް ސަތޭކަ މީހުންނަށް އެންސްޕާ އެހީ ނުލިބިގެން އިންޑިޔާއަށް ނުދެވި ފައިވާ ކަމަށް ބުނެ ސޯޝަލް މީޑިއާގައިދަނީ ވާހަކަ ފަތުރަމުންނެވެ.
އަދި ބައެއް ނޫސްތަކުން ދަނީ، އިންޑިޔާއަށްދާން އާސަންދަ އާއި އެންސްޕާގެ އެހީ ނުދީ އެގައުމަށް ޖެއްސުން ކުރަމުންދާ ކަމަށްވެސް ބުނެފަ ޚަބަރު ފަތުރަމުންނެވެ.
މި ވާހަކަތަކާއި ގުޅިގެން ހީނާ ކުރެއްވި އެކްސް ޕޯސްޓެއްގައި ވިދާޅުވީ، މި ޖެނުއަރީ މަހުގެ 1-25 އަށް ބޭސްފަރުވާއަށް ދިއުމަށް 1922 ޓިކެޓް އިޝޫކޮށްފައިވާ ކަމަށާއި، އޭގެ 97.2 އިން ސައްތަ އަކީ ބޭސް ފަރުވާއަށް އިންޑިއާއަށް ދިއުމަށް އިޝޫ ކޮށްފައިވާ ޓިކެެޓްތައް ކަމަށެވެ.
ބޭސްފަރުވާ ކުރުމަށް އެދި ހުށައަޅާ ފަރާތްތަކަށް އެއޮންނަ އުސޫލުގެ ތެރެއިން އެކަން ހަމަޖައްސައި ދެނީ އެންސްޕާ / އާސަންދައިން. އެކޭސްތަކަށް ރައީސުލްޖުމްހޫރިއްޔާ އިރުޝާދު ދެއްވާ އުސޫލެއް ނޯވޭ.
މި ޖެނުއަރީ މަހުގެ 1-25 އަށް ބޭސްފަރުވާއަށް ދިއުމަށް 1922 ޓިކެޓް އިޝޫކޮށްފައިވޭ. އޭގެ…— Heena Waleed 🇲🇻 (@HeenaWaleed) January 25, 2024
އާސަންދަ ސްކީމްގެ ދަށުން ރާއްޖެއިން ބޭރަށް ބޭސްފަރުވާއަށް މިވަގުތު ފޮނުވަމުންދަނީ އިންޑިއާ އާއި ސްރީލަންކާއަށެވެ.
ނަމަވެސް ތައިލެންޑާއި ޔޫއޭއީ ފަދަ ފެންވަރު ރަނގަޅު ގައުމުތަކަށްވެސް އާސަންދަ ލިބޭ ގޮތް ހެދުމަށް ސަރުކާރުން މަސައްކަތް ކުރައްވަމުންދާކަން ރައީސް މުޢިއްޒު އިއުލާން ވަނީ ކުރައްވާފައެވެ.
