ރާއްޖޭގައި މަސައްކަތްކުރާ މުވައްޒަފުންގެ އާއިލާތަކަށް ޚާއްސަ ކޮށްގެން ޕޮޕިއުލޭޝަން ސެންޓަރުތަކެއް ގާއިމް ކުރުމަަށް ނިންމާފައިވާކަން އިކޮނިމިކް މިނިސްޓަރ މުހައްމަދު ސައީދު ހާމަ ކުރައްވައިފިއެވެ.
މިނިސްޓަރ ސައީދު މިކަން ހާމަ ކުރެއްވީ ފަތުރުވެރިކަމުގެ ދާއިރާގައި މަސައްކަތްކުރާ ދިވެހި އަންހެނުން އިތުރު ކުރުމަށް "ފަހި ފަތުރުވެރިކަމަށް އަންހެނުން" ނަމުގައި ހާއްސަ ޕްރޮގްރާމެއް އިފްތިތާޙު ކުރުމަށް މިއަދު ބޭއްވި ރަސްމިއްޔާތުގައި ވާހަކަ ދައްކަވަމުންނެވެ.
މިއަދުގެ ރަސްމިއްޔާތުގައި ވާހަކަ ދައްކަވަމުން ސައީދު ވިދާޅުވީ ރާއްޖޭގެ ސެންޓްރަލް އޭރިއާތަކެއް، ޑީސެންޓްރަލައިޒް ކުރުން ނުވަތަ ޕޮޕިއުލަރިޓީ ސެންޓަރުތަކެއް ގާއިމްކުރުން އެއީ ރައީސް މުއިއްޒުގެ ރިޔސީ ވައުދެއް ކަމުގައެވެ.
ސައީދު ވިދާޅުވީ މިމަސައްކަތް ފުރިހަމަ ކުރާނީ އިކޮނޮމިކް މިނިސްޓްރީއާއި ޓޫރިޒަމް މިނިސްޓްރީ އަދި ޕްލޭނިން މިނިސްޓްރީ ގުޅިގެންކަމުގައެވެ.
މި ގާއިމް ކުރާ ޕޮޕިއުލޭޝަން ސެންޓަރުތަކުގެ ތެރެއިން އެ ހިސާބުގަނޑަށް ނިސްބަތްވާ ރިސޯޓުތަކާ އެއްކޮށް އެންމެ ކަނެކްޓިވިޓީ ރަނގަޅީ ކިހިނެތްތޯ ބެލުން. އަދި ޓޫރިޒަމް ދާއިރާގައި މަސައްކަތް ކުރާ މުވައްޒަފުންނަށް ހާއްްސަ އެކޮމޮޑޭޝަން ތަކެއް ގާއިމް ކުރުން.
ސައީދު ވިދާޅުވިއެވެ.
މި ރައްމިއްޔާތުގައި ވާހަކަ ދައްކަވަމުން ސައީދު ވިދާޅުވީ ވެލާނާ އިންޓަރނޭޝަނަލް އެއަރޕޯޓު މިހާރު ތަރައްގީކޮށް ފުޅާކުރަމުން އަންނަނީ 1.8 މިލިއަން ފަސެންރަުންގެ ބަދަލުގައި 2 މިލިއަން ފަސެންޖަރުންނަށް އަމާޒުކޮށްގެން ކަމުގައެވެ.
އެއާޕޯޓު ބިޒީ ކުރާނަން އަޅުގަނޑުމެން. ފްލައިޓުތައް އިތުރަށް ޖައްސުވާނަން. އެއީ އަޅުގަނޑުމެން މި ކުރާ މަސައްކަތަކީ. އެ ހިތްވަރު އަޅުގަނޑުމެންގެ އެބަހުރި. އެ ވިސްނުން އެބަހުރި. ޒުވާން ރައީސުލްޖުމްހޫރިއްޔާ އެއް ހުންނެވީ. އަޅުގަނޑުމެންގެ ހަކަތަ އެބަހުރި. ކޮމްޕެޓިޝަން ހުންނާނެ. ރާޅުތައް ވެސް ބޮޑުވާނެ. އެކަމަކު އެ ރާޅު ހުރަސްކޮށް ދިއުމުގެ ދިވެހި އޮޑިފަހަރުގައި، ދޯނި ފަހަރުގައި ހުންނާނެ. ފަށަނުގައި ހުންނާނެ. މައްޔާތަށް ވަރުގަދަވާނެ. ގޮންޖެހުންތަކުގެ ތެރެއިން އަޅުގަނޑުމެން ދުއްވާނަން އިރާދަކުރެއްވިއްޔާ.
ސައީދު ވިދާޅުވިއެވެ.
ކޮމެންޓު ފޮނުވާ