ގއ. މާމެންދޫ ކައުންސިލުން މަގުތަކަށް ފަސްނޭޅުމުން ގއ.މާމެންދޫ ރައްޔިތުން ނުކުމެ އެރަށުގެ މަގުތަކަށް ފަސްއަޅަންފަށައިފިއެވެ.
ރައްޔިތުން އަމިއްލައަށް މަގުތަކަށް ފަސްއަޅަންޖެހުނީ 8 ޖޫން 2023 ވަނަ ދުވަހު އެރަށު ކައުންސިލްގެ ޖަސާއަކުން މަގުތަކަށް ފަސްއަޅަން ނިންމި ނިންމުން 7 މަސް ވަގެން ދިޔައިރުވެސް ތަންފީޒު ނުކުރުމުގެ ސަބަބުންނެވެ. އެނިންމުން ތަންފީޒު ނުކޮށް ހުރަސްއަޅަނީ ކައުންސިލްގެ ރައީސްކަމަށް ރަށުގެ ބެއެއް ރައްޔިތުން ތުހުމަތު ކުރެއެވެ. އެނިންމުމަކީ ކައުންސިލް މެންބަރުންގެ އިއްތިފާގުން ފާސްކޮށްފައިވާ ނިންމުމެކެވެ.
ގއ.މާމެންދޫ މަގުތަކުގައި ފެން ބޮޑުވެ މަގުތައް ޗަކަވެ ރައްޔިތުންގެ މުދަލާއި ފުރާނައަށް އަންނަނީ ބޮޑެތި ގެއްލުންވަމުންނެވެ. މިސްކިތް ތަކަށް ދިއުމާއި ސްކޫލަށް ކުދިން ގެންދިއުމުގައި ރައްޔިތުންއަންނަނީ ބޮޑެތި ތަކުލީފްތަކާއި ކުރިމަތި ލަމުންނެވެ.
ރައްޔިތުންގެ ގިނަ ބަޔަކު ތަކުރާރުކޮށް މަގުތަކަށް ފަސްއަޅައިދުމުމަށް ކައުންސިލްގައި އެދިފައިވާކަމަށް އެރަށުން ވާހަކަ ދެއްކި ފަރާތެއް ބުނެފައި ވެއެވެ. އަދި އެފަރާތްތަކުން ތުހުމަތު ކުރަނީ، އެހެން ނަމަވެސް އެކަމަކީ ކައުންސިލްގެ ރައީސް "މާގަޔާވާކަމަށްނުވާތީ" ފަސްނައަޅައި ހިފަހައްޓަނީ ކަމުގައެވެ.
"ޚަަބަރު އޮންލައިން"އާއި ވާހަކަ ދެއްކި ބައެއް ރއްޔިތުން ބުނެފައިވަނީ ރައްޔިތުންގެ އިހުސާސްތައް ކޮޅުންލައިގެން ދިއުމުން، އަންހެނުންނާއި ފިރިހެނުން މަގުތަކަށް ފަސްއަޅަން މަގުތަކަށްނުކުމެފައިވާ ކަމުގައެވެ.
