ނިމިދިޔަ އެމްޑީޕީގެ ސަރުކާރުގައި ޚިޔާނާތުގެ ބޮޑެތި ތުހުމަތުކުރެވޭ ފަރާތްތައް ކުރިއަށް އޮތް މަޖިލިސް އިންތިޚާބުގައި ވާދަކުރައްވާއިރު އެކަމަށް ސަމާލުވުމަށް ޓްރާންސްޕޯޓު މިނިސްޓްރީގެ ކުރީގެ ޑެޕިއުޓީ މިނިސްޓަރު ސައުދުﷲ އަހުމަދު ގޮވާލައްވައިފިއެވެ.
20 ވަނަ ރައްޔިތުންގެ މަޖިލީހުގެ އިންތިޚާބު އަންނަ ރަމަޟާންމަހަށްފަހު ބޭއްވުމަށް އަންނަނީ މަސައްކަތްކުރަމުންނެވެ. އަދި ޕާޓީތަކުން އަންނަނީ މަޖިލިސް އިންތިޚާބަށް ވާދަކުރަން ބޭނުންވާ ފަރާތްތަކަށް ޓިކެޓު ދިނުމަށް ޕްރައިމަރީތައް ބޭއްވުމަށް މަސައްކަތްކުރަމުންނެވެ.
މިގޮތުން މިއަދު އެމްޑީޕީން ވަނީ އެޕާޓިގެ ޓިކެޓު ހޯދުމަށް ހުށައެޅި ފަރާތްތަކުގެ ތެރެއިން 36 ފަރާތަކަށް ޕްރައިމަރީއާއި ނުލައި ޓިކެޓު ކަށަވަރުވެފައިވާކަމަށް ބުނެފައެވެ. އޭގެ ތެރޭގައި ކުރީ ސަރުކާރުގައި ބޮޑެތި ޚިޔާނާތުގެ ތުހުމަތު ކުރެވޭ ބައެއް ބޭފުޅުންވެސް ހިމެނިވަޑައިގަންނަވައެވެ. އެ ކެންޑިޑޭޓުންގެ އިތުރުންވެސް މަޖިލިސް އިންތިޚާބުގައި ވާދަކުރައްވާނެކަން އިއުލާންކުރައްވާފައިވާ ބޭފުޅުންގެ ތެރޭގައި އެފަދަ ބޭފުޅުން ހިމެނިވަޑައިގަންވައެވެ.
ޓްރާންސްޕޯޓް މިނިސްޓްރީގެ ކުރީގެ ޑެޕިއުޓީ މިނިސްޓަރު ސައުދުﷲ އަޙްމަދު ވިދާޅުވީ، ނިމިދިޔަ ވެރިކަމުގެ ބޮޑެތި މަޤާމްގަ ތިބެގެން ރައްޔިތުންގެ ފައިސާއަށް ޚިޔާނާތްތެރިވެ ބޮޑެތި ކޮރެޕްޝަން ހިންގި ބައެއް މީހުން 2024 މަޖުލީސް އިންތަހާބަށް ވާދަކުރާ އިރު ދިވެހި ރައްޔިތުން ސަމާލުވާން ޖެހޭކަމަށެވެ.
ވެނުމަސް ވެނައްކާންދޭނީ!
– ސަޢުދުﷲ ވިދާޅުވިއެވެ.
ރައްޔިތުންގެ މަޖިލީހުގެ އިންތިޚާބު ބާއްވާ ތާރީޚު އަންނަ ހަފުތާގައި އިޢުލާންކުރާނެކަމަށް އިލެކްޝަންސް ކޮމިޝަނުން ބުނެފައިވެއެވެ.
މަޖިލިސް އިންތިޚާބުގައި ވޯޓުލުމުގެ ޙައްޤު ލިބިފައިވާ ފަރާތްތަކުގެ ލިސްޓު މި މަހުގެ 10 ވަނަ ދުވަހު އާއްމު ކުރުމަށް މަޝްވަރާ ކުރެވުނުކަމަށްވެސް އިލެކްޝަންސް ކޮމިޝަނުން ބުންޏެވެ.
