އިދިކޮޅު އެންމެ ބޮޑު ޕާޓީ، އެމްޑީޕީ ދޫކޮށް ވެރިކަން ކުރާ މައި ޕާޓީ، ޕީއެންސީއާ ގުޅިވަޑައިގަތީ ރައްޔިތުންނަށް ހިދުމަތް ކުރެއްވުމުގައި ދެމިހުންނެވުމަށް ކަމަށް ރައްޔިތުންގެ މަޖިލިހުގެ ފޭދޫ ދާއިރާގެ މެމްބަރު މުހައްމަދު ނިހާދު މިއަދު ވިދާޅުވެއްޖެއެވެ.
ނިހާދު "އެކްސް" ގައި ކުރެއްވި ޕޯސްޓެއްގައި ވިދާޅުވި ގޮތުގައި އޭނާއަކީ އަބަދުވެސް "ރައްޔިތުންގެ މީހެކެވެ". އަދި ގިނަ ރައްޔިތުން އެދެނީ ރައްޔިތުންނަށް ހިދުމަތް ކުރެއްވުމުގައި ދެމިހުންނެވުމަށް ކަމަށް ވެސް ނިހާދު ވިދާޅުވިއެވެ.
"އެކަން ކުރާން ދެމި ހުރުމަށް ސަރުކާރު ހިންގާ ޕާޓީއާ ގުޅިއްޖައިން. އާ އަހަރުގެ ތަހުނިޔާ އައްޑޫ ސިޓީ އަށް އަދި ހާއްސަކޮށް ފޭދޫގެ ރައްޔިތުންނަށް ދަންނަވަން، ނިހާދު ވިދާޅުވިއެވެ.
ނިހާދު ހިމެނިވަޑައިގަންނަވާ ގޮތަށް އެމްޑީޕީގެ ގިނަ އަދަދެއްގެ މެމްބަރުން މިދިޔަ ބުރާސްފަތި ދުވަހުގެރޭ ވަނީ ޕީއެންސީ އަށް ސޮއިކުރައްވައިފައެވެ.
ޕީއެންސީއާ ގުޅިވަޑައިގެންނެވި މެމްބަރުންނަކީ:
1- މަރަދޫ ދާއިރާގެ މެމްބަރު އިބްރާހިމް ޝަރީފް
2- ފޭދޫ ދާއިރާގެ މެމްބަރު މުހައްމަދު ނިހާދު
3- މައްޗަންގޯޅި ދެކުނު ދާއިރާގެ މެމްބަރު މުހައްމަދު
4- އިސްދޫ ދާއިރާގެ މެމްބަރު އަލީ ހަމީދު
5- ކަނޑިތީމު ދާއިރާގެ މެމްބަރު އަބްދުﷲ ޝަހީމް އަބްދުލްހަކީމް
6- ކުރެންދޫ ދާއިރާގެ މެމްބަރު އަބްދުލްޣަނީ އަބްދުލްހަކީމް
7-މަތިވެރި ދާއިރާގެ މެމްބަރު ހަސަން ޒަރީރް
8-މުލަކު ދާއިރާގެ މެމްބަރު އިބްރާހިމް ނަސީރު
9-ނިލަންދޫ ދާއިރާގެ މެމްބަރު އަބްދުލް މުހްސިން ހަމީދު
10- މާފަންނު ދެކުނު ދާއިރާގެ މެމްބަރު އާދަމް އަލީ
11- ކޮމަންޑޫ ދާއިރާގެ މެމްބަރު އިބްރާހިމް ރާޝިދު
12- ތޮއްޑޫ ދާއިރާގެ މެމްބަރު ހަސަން ޝިޔާން
13- ގުރައިދޫ ދާއިރާގެ މެމްބަރު އިބްރާހިމް ޝާޒް
މި މެމްބަރުންގެ ތެރެއިން 12 މެމްބަރުންނަކީ މިއަދާ ހަމައަށް ވެސް އެމްޑީޕީގައި ތިއްބެވި މެމްބަރުންނެވެ. އަދި ހައިތަމް ވަނީ މިދިޔަ ރިޔާސީ އިންތިހާބުގެ ތެރޭގައި އެމްޑީޕީން ވަކިވެވަޑައިގެންފައެވެ. އެމްޑީޕީން ވަކިވެވަޑައިގެންނެވި ފަހުން މިހާތަނަށް އައިއިރު ވެސް އޭނާ އެއްވެސް ޕާޓީއަކާ ގުޅިވަޑައިގެންފައެއް ނުވެއެވެ. މިއާއެކު، އިދިކޮޅު އެމްޑީޕީގައި ތިއްބެވި މެމްބަރުންގެ އަދަދު ވަނީ 43 އަށް ދަށްވެފައެވެ.
