ރޭ މެންދަމުން ފެށިގެން ހެނދުނާ ދޭތެރޭ އައި ބިންހެލުންތައް އައީ އައްޑުއާ 900 ކިލޯމިޓަރު ދުރުން ކަމަށާއި، ރާއްޖެއަށް އޭގެ އެއްވެސް އަސަރެއް ރާއްޖެެއަށް ނުކުރާނެ ކަމަށް މެޓު އޮފީހުން މިއަދު ބުނެފިއެވެ. އަދި އެއީ އިންޑިއާ ކަނޑުގެ ސަރަހައްދެއް ނަމަވެސް ރާއްޖޭގެ ސަރަހައްދަށް އައި ބިންހެލުމެއް ނޫން ކަމަށްވެސް މެޓް އޮފީހުން ބުނެފައި ވެއެވެ.
މެޓް އޮފީހުން އިތުރަށް ބުނެފައިވަނީ ރޭ މެންދަމުން ފެށިގެން ހެދުނާއި ދޭތެރޭ، ކާލްސްބާގް/ މިޑް އިންޑިއަން ރިޖަށް 4 ބިންހެލުން އައިސްފައިވާ ކަމަށެވެ. އޭގެ ތެރެއިން އެންމެ ބާރުގަދައީ 5.5 ބާރު މިނުގައި އައި ބިންހެލުން ކަމަށާއި މި ބިންހެލުންތަކުން، 900 އެއްހާ ކިލޯމިޓަދުރުން އައި ބިންހެލުންތަކުން އައްޑޫ ސީޓީ އަށް ބިންހެލުން/ސުނާމީގެ އަސަރު ނުކުރާކަމަށްވެސް މެޓް އޮފީހުން ބުނެފައި ވެއެވެ.
އެހެންނަމަވެސް މި ދުވަސްވަރަކީ ރާއްޖޭގެ އެކި ސަރަހައްދުތަކަށް މޫސުން ގޯސް ދުވަސްވަރަކަށް ވުމާއެކު މޫސުމަށް ސަމާލުވުމަށް މެޓް އޮފީހުން އިލްތިމާސް ކޮށްފައި ވެއެވެ.
