ކުރީގެ ރައީސް ޢަބްދުﷲ ޔާމީން ގޭބަންދަށް ބަދަލުކުރުމަށް ދީފައިވާ ލުއިތައް ރިވިއުކުރުމުގެ މަސައްކަތް ކުރަމުން އަންނަކަމަށް ކަރެކްޝަނަލް ސަރވިސްއިން ބުނެފިއެވެ.
ރައީސް ޔާމީން ގޭބަންދަށް ބަދަލުކުރެއްވިފަހުން ގެންދަވަނީ ސިޔާސީ ހަރަކާތްތަކުގައި ބައިވެރިވެވަޑައިގަންނަވަމުންނެވެ. އެގޮތުން އެމަނިކުފާނު އިސްވެ އުފައްދަވާ ސިޔާސީ ޕާޓީ ޕީޕަލްސް ނެޝަނަލް ފްރޮންޓޮ އުފެއްދުމުގައި އެމަނިކުފާނު ހަރަކާތްތެރިވެވަޑައިގެންފައިވެއެވެ. އެޕާޓީ އުފެއްދުމަށްވެސް ވަނީ ސޮއިކުރައްވާފައެވެ.
އާންމު މެންބަރެއްގެ ހައިސިއްޔަތުން ނިސްބަތްވުން ފިޔަވައި، އެއިން ތަނެއްގެ މަސްއޫލު ފަރާތެއްގެ ގޮތުގައި ހުރުމާއި އެ ތަންތަނުން ހިންގާ އެހެން ހަރަކާތްތަކުގައި ބައިވެރިވުމުގެ ހައްގު، ހުކުމެއް ތަންފީޒު ކުރުމަށްޓަކައި ޖަލުގައި ބަންދުކޮށްފައި ހުންނަ މުއްދަތުގައި ލިބިގެނެއްނުވާކަމށް ޖަލުތަކާއި ޕެރޯލްގެ ޤާނޫނުގައި ބުނެފައިވެއެވެ.
ނަމަވެސް ރައީސް ޔާމީން ސިޔާސީ ކަންކަމުގައި ބައިވެރިވެވަޑައިގަންނަވާތީ އެކަންކަން ބަލަމުން އަންނަކަމަށް ކަރެކްޝަނަލް ސަރވިސްއިން ބުނެފައިވެއެވެ.
އެ ސަރވިސްއިން ބުނީ ރައީސް ޔާމީނަށް ދީފައިވާ ލުއިތައް ރިވިއު ކުރުމުގެ މަސައްކަތް ކުރަމުން އަންނަކަަމަށެވެ. ނަމަވެސް އިތުރު ތަފްސީލެއް ނުދެއްވައެވެ.
ކަރެކްޝަންސްގެ މީޑިއާ އޮފިސަރު ފަހުން ވިދާޅުވީ، ރައީސް ޔާމީންގެ ބަންދަށް ލުއިތަކެއް ހޯދުމަށް އެދިފައިވީނަމަވެސް، ނަމަވެސްޤާނޫނީ ފުށު އެރުންތަކެއް ހުރުމުން އިތުރު ލުއިތަކެއް ދެވެން ނެތްކަން އަންގާފައިވާ ކަމަށެވެ.
