ސައުތުގެ މަޝްހޫރު އެކްޓަރު ޕްރަބާސްގެ އާ ފިލްމު "ސަލާރު" އަށް ލިބެމުން އަންނަ ތަރުހީބު ވަރަށް ބޮޑުކަމަށް މީޑިއާއިން ރިޕޯޓް ކޮށްފިއެވެ.
މިއަހަރުގެ ވަރަށް އުންމީދީ ފިލްމްއެއްގެ ގޮތުގައިވެސް ފާހަގަ ކުރެވުނު މި ފިލްމް އަކީ ވަރަށް ބޮޑު ބަޖެޓަކުން ވަރަށް ގްރޭޑްކޮށް ހަދައިފައިވާ ފިލްމްއެކެވެ. އަނެއް ކޮޅުން މި ފިލްމް އަކީ ކާމިޔާބު ފިލްމް އަކަށް ހެދުމަށްވެސް ވަރަށް ބޮޑެތި މަސައްކަތް ތަކެއް ކުރިއެވެ.
މި ފިލްމަކީ ބެލުންތެރިންގެ ވަރަށް ބޮޑު މަގުބޫލުކަމެއް އަދި ބޮކްސް އޮފީހުގައި ވަރުގަދަ ވިޔަފާވެރިއެއް ވެސް ކުރި "ކޭޖީއެފް" ގެ ދެ ފިލްމު ގެނެސްދިން ކުޅަދާނަ ޑައިރެކްޓަރު ޕްރަޝާންތު ނީލް ހަދާފައިވާ އެކްޝަން ތުރިލާއެކެވެ.
ވޯލްޑްވައިޑް ކޮށް ބަލާއިރުގައި މި ފިލްމް އަށް މިހާތަނަށް ވަނީ 400 ކަރޯޑް އަށް ބޮޑު އާމްދަނީއެއް ލިބިފައިއެވެ. މި ފިލްމް އަދިވެސް އޮތީ ސިނަމާގައިއެވެ. އެެހެން ކަމުން ފިލްމް އަށް ލިބެމުން އަންނަ ތަރުހީބަށް ބަލާއިރުގައި މި އަދަދު އަންނާނީ އިތުރު ވަމުންނެވެ.
"ސަލާރު" ގެ ކާސްޓްގައި ޕްރިތުވީރާޖް ސުކްމަރަން، ޝްރޫތީ ހަސަން، ޓިނޫ އާނަންދު ޖަގަޕަތީ ބާބޫ، ސްރިޔާ ރެޑީ އަދި ރާމަޗަންދުރަ ބާބޫ ގެ އިތުރުން މަދޫ ގުރުސްވާމީ ހިމެނެ އެވެ.
