ހުޅުމާލޭގެ ފްލެޓެއްގެ ތެރޭގައި ހިންގި އާއިލީ ހަމަނުޖެހުމެއްގެ ތެރޭގައި ރޭ އޭނާގެ މަންމަ އަށް ވަޅިން ހަމަލާ ދިން ދަރިއަކީ ނަފްސާނީ ބަލި ހުންނަ މީހެއް ކަމަށް ފުލުހުން ބުނެފިއެވެ.
ފުލުހުން ބުނީ މި މައްސަލާގައި ތުހުމަތުކުރެވޭ މީހާއަކީ ނަފްސާނީ ބަލި ހުންނަ މީހެއް ކަމަށާއި އެމީހާ ޑޮކްޓަރަށް ދައްކަން ގެންދިއުމުގެ މަސައްކަގް ކުރަމުންދާ ކަމަށެވެ.
ވަޅިން ހަމަލާ ދިނުމުގެ ސަބަބުން އެމީހާގެ މަންމައަށް އޭނާ އަށް ސީރިއަސް އަނިޔާތަކެއް ލިބިފައި ވެއެވެ.
ފުލުހުން ބުނެފައިވަނީ ހުޅުމާލެ ފޭސް އެކެއްގެ ފްލެޓެއްގައި ފިރިހެނަކު ތޫނު އެއްޗެއް ބޭނުންކޮށްގެން އަންހެނަކަށް ހަމަލާ ދީފައިވާ މައްސަލައެއް ފުލުހުންނަށް ރިޕޯޓު ކުރީ އިއްޔެ 18:50 ހާއިރު ކަމަށެވެ.
އަނިޔާވި މީހާ އަށް ހުޅުމާލެ ހޮސްޕިޓަލްގައި ދަނީ ފަރުވާދެމުންނެވެ.
ވަޅި ހެރުމުގެ ސަބަބުން ޒަހަމްވީ އުމުރުން 51 އަހަރުގެ ދިވެހި އަންހެނެކެވެ. އެމީހާގެ ހާލު ސީރިއަސް ކަމަށް ހޮސްޕިޓަލާ ހަވާލާދީ ފުލުހުން ބުނެފައިވެ އެވެ.
މި މައްސަލަ ފުލުހުން ގެންދަނީ މިހާރު ތަހުގީގު ކުރަމުންނެވެ.
ކޮމެންޓު ފޮނުވާ