ކުއްޖާ އުފަންވުމުގެ ކުރިން، ބަނޑުގައި އޮތް ކުއްޖާއަކީ ޑައުންސިންޑްރޮމް ކުއްޖެއްތޯ ދެނެގަތުމުގެ ޓެސްޓު އައިޖީއެމްއެޗުގައި ހަދަން ފަށައިފިއެވެ.
މީގެ ކުރިން މިއީ ރާއްޖޭގައި ހެދޭ ޓެސްޓެއް ނޫނެނެވެ. މި ޓެސްޓ ހަދަނީ މާބަނޑު މީހާގެ ސާމްޕަލް ރާއްޖެއިން ބޭރަށް ފޮނުވައިގެންނެވެ. ބަނޑުގައި ދަރިފުޅު އޮންނަތާ ވަކި މުއްދަތެއްގެ ތެރޭގައި ހަދާ އެ ޓެސްޓުގެ ސާމްޕަލް ރާއްޖެއިން ބޭރަށް ފޮނުވައިގެން ނަތީޖާ ލިބެން ގާތްގަނޑަކަށް ދެހަފްތާގެ މުއްދަތެއް ނަގައެވެ. ނަމަވެސް އައިޖީއެމްއެޗުން މި ޓެސްޓު ހެދެން ފެށުމަކީ ލިބޭނެ ވަރަށް ބޮޑު ފަސޭހައެކެވެ. އަދި ނަތީޖާވެސް އަވަހަށް ލިބޭނެއެވެ.
ވޯލްޑިވްސް ނަމަކަށްކިޔާ ކުންފުންޏާ ހަވާލުކޮށްގެން ގެނައި އެމެޝިނުން ޑައުންސިންޑްރަމްގެ އިތުރުން، ޕަޓައު ސިންޑްރޯމް، ޓްރައިޕްލޮއިޑީ އަދި ޓާނާ ސިންޑްރޯމް ހުރިތޯ ޓެސްޓުކުރެވޭނެކަމަށް އައިޖީއެމްއެޗުން ބުންޏެވެ.
ރާއްޖޭގައި ޑައުންސިންޑްރޯމް ކުދިންގެ ނިސްބަތް އިތުރުވަމުންދާކަން ތަފާސްހިސަބުތަކުން ދައްކައެވެ.
ޑައުންސިންޑްރޯމަކީ އުފެދުމުގައި ހުންނަ އައިބެކެވެ. ޑައުންސިންޑްރޯމް ޖެހުމަށް މެދުވެރިވަނީ ކްރޮމޮޒޯމަށް ދިމަވާ އުނިކަމެއްގެ ސަބަބުންނެވެ. އާދައިގެ ކުއްޖެއްގެ ހަށިގަނޑުގައި ކޮންމެ ކްރޮމޮޒެމެއްގެ ޖޯޑެއް ހިމެނޭ އިރު ޑައުންސިންޑްރޯމް ހުންނަ ކުއްޖެއްގެ ހަށިގަނޑުގެ އެކާވީސްވަނަ ކްރޮމޮޒޯމްގައި ޖޯޑަކަށްވުރެ އިތުރަށް އެއް ކްރޮމޮޒޯމް އިތުރުވުމުންނެވެ.
ޑައުންސިންޑްރޯމަކީ އުފެދުމުގައި ހުންނަ އައިބެކެވެ. ޑައުންސިންޑްރޯމް ޖެހުމަށް މެދުވެރިވަނީ ކްރޮމޮޒޯމަށް ދިމަވާ އުނިކަމެއްގެ ސަބަބުންނެވެ. އާދައިގެ ކުއްޖެއްގެ ހަށިގަނޑުގައި ކޮންމެ ކްރޮމޮޒެމެއްގެ ޖޯޑެއް ހިމެނޭ އިރު ޑައުންސިންޑްރޯމް ހުންނަ ކުއްޖެއްގެ ހަށިގަނޑުގެ އެކާވީސްވަނަ ކްރޮމޮޒޯމްގައި ޖޯޑަކަށްވުރެ އިތުރަށް އެއް ކްރޮމޮޒޯމް އިތުރުވުމުންނެވެ.
