ސްޓެލްކޯއާއި އިންވެގެން އޮންނަ ދޮންއަދަރާހިނގުން އަންނަ ރޯދަމަސް އައުމުގެ ކުރިން ޢާންމުކޮށް ހުޅުމާލުމުގެ މަސައްކަތް ކުރަމުން އަންނަކަމަށް އެކުންފުނިން ބުނެފިއެވެ.
ސްޓެލްކޯއިން ބުނީ، ސަރުކާރުގެ ސިޔާސަތުތަކާއި އެއްގޮތަށް އެކުންފުނީގެ ހެޑް އޮފީސް ސަރަހައްދުގެ ޓްރެފިކްފްލޯއަށް ލުޔެއް ހޯދައިދިނުމަށްޓަކައި، އަންނަ ރޯދަ މަހުގެ ކުރިން ހުޅުވުމަށް އަމާޒުހިފައި، ދޮންއަދަރާދަ ހިނގުން ހުޅުވުމުގެ އަމަލީ މަސައްކަތް މިއަދު ވަނީ ފަށާފައިކަމަށެވެ.
މިހާރު ބަންދުކޮށްފައި އޮތް އެމަގަކީ ސްޓެލްކޯގެ ބޭނުމަށް ބަންދުކޮށްފައި އޮންނަތާ އެތައް އަހަރެއްވެފައިވާ މަގެކެވެ. ސްޓެލްކޯގެ މެނޭޖިންގ ޑިރެކްޓަރ ޙުސައިން ފަހުމީ
ވިދާޅުވީ، ސްޓެލްކޯއަކީ ރައްޔިތުންނަށް ޚިދުމަތްކުރަން ނިކުމެ އޮތް ކުންފުންޏެއްކަމަށާ އެހެންކަމުން ކުންފުނީގެ އެންމެމުހިންމު ޒިންމާއަކަށް ވާނީ ރައްޔިތުންނަށް ދަތިވާގޮތައް ހުރި ކަންތައްތައް ބަލައި ދުވަހުންދުވަހައް ހައްލުކޮށްދިނުންކަމަށެވެ. އެއީ ކަރަންޓު ދިނުން ކަމުގައިވީނަމަވެސް އަދި މަގުމަތީގައި ހިނގާއިރު ފޯމަރެއް ހުރެގެން އުނދަގޫވުން ކަމުގައިވީނަމަވެސް އަދި ކޭބަލެއް އޮވެގެން ރައްޔިތުންނަށް އުނދަގޫވިނަމަވެސް އެކަން ހައްލު ކުރެއްވުމަށް ކުންފުނިން ނުހަނު އިސްކަން ދެއްވާނެކަމަށެވެ.
ސްޓެލްކޯއަށް ބިމުގެ ދަތިކަން ހުރިގޮތުން ކުރިން ވަނީ ސްޓެލްކޯއާއި އަދި ގާކޮއްޓާއި އިންވެގެން އޮތް ދޮންއަދަރާދަމަގު ބަންދުކޮށްފައެވެ. ފަހުމީ ވިދާޅުވެފައިވަނީ، މި މަގު ހުޅުވާލުމުގެ މަސައްކަތް ކުންފުނިން މިހާރު ކުރަމުންދާކަމަށެވެ.
ބަންދުކޮށްފައިވާ މަގު ހިމެނޭ ސަރަހައްދަކީ މިވަގުތު 40 ފޫޓުގެ ސްވިޗް ގިއަރއެއް ހިމެނޭ ސަރަހައްދެކެވެ. އެ ސްވިޗް ގިއަރއިން އައިޖީއެމްއެޗްއަށް ކަރަންޓުވެސް ދީފައިވާކަމަށް ސްޓެލްކޯއިން ބުނެފައިވެއެވެ.
