ކުރިމަތީގައި ގޮންޖެހުންތަކެއް ހުރިކަމުގައިވި ނަމަވެސް، ދެޕާޓީ ގުޅިގެން މަސައްކަތްކޮށް، ކުރިޔަށް އޮތް ރައްޔިތުންގެ މަޖިލިހުގެ ސުޕަރ މެޖޯރިޓީ ހޯދޭނެކަމުގައި ރައީސް މުއިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ވެރިކަންކުރާ ޕީއެންސީގެ އާ އޮފީސް ހުޅުވުމަށް ރޭ ބޭއްވުނު ރަސްމިއްޔާތުގައި ވާހަކަ ދައްކަވަމުންނެވެ.
ރޭގެ ރަސްމިއްޔާތުގައި ވާހަކަ ދައްކަވަމުން ރައީސް މުއިއްޒު ވިދާޅުވީ ޕީޕީއެމް ޕީއެންސީގެ ސަފުތައް ރާއްޖޭގެ އެކި ކަންކޮޅުތަކަށް ރުކުރުވާލާއިގެން، ގައުމީ ޖޯޝުގައި އަދި ގައުމީ ވިސްނުމެއްގައި މަސައްކަތް ކުރަމުން ދާނެކަމުގައެވެ.
އޭގެ ނަތީޖާއަކަށް ވާނެ، ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި އަޅުގަނޑުމެން، އެންމެން ޕީޕީއެމް/ޕީއެންސީ ގުޅިގެން ކުރިއަށް އޮތް މަޖިލީސް އިންތިހާބުގައި މަޖިލީހުގެ ސުޕަރ މެޖޯރިޓިއާ ހަމައަށް އިރާދަކުރެއްވިއްޔާ، ކާމިޔާބު ކުރުން.
ރައީސް ވިދާޅުވިއެވެ.
ރައީސް ވިދާޅުވީ ކުރިޔަށް އޮތް މަޖިލިސް އިންތިޚާބަށް ގޮންޖެހުންތައް ހުރި ކަމުގައެވެ. އެހެންނަމަވެސް އެގޮންޖެހުންތަކަކީ ލިބޭނެ ހިތްވަރަކާއި ލިބޭނެ ކުރިއެރުމަކަށް ވާންވާނެކަމުގައި ރައީސް ވިދާޅުވިއެވެ.
ރައީސް ވިދާޅުވީ ޕީއެންސީ ހިންގުމަށް ޖާގަ ތަނަވަސް އޮފީހެއް ލިބިގެން ދިއުމަކީ ލިބިގެންދިޔަ ވަރަށްބޮޑު ކުރިއެރުމެއް ކަމަށާއި، އެކަމަށް މަސައްކަތް ކޮށްދެއްވި ހުރިހާ ބޭފުޅުންނަށްވެސް ޝުކުރު އަދާ ކުރައްވާކަމުގައެވެ.
ޕީޕީއެމް/ޕީއެންސީން ރޭވަނީ ދެޕާޓީގެ އިސް ލީޑަރަކަށް ރައީސް މުއިއްޒު ހަމަޖައްސާފައެވެ. އެއީ ދެ ޕާޓީގައި ކުރީގެ ރައީސް ޔާމިން އަދާކުރެއްވި މަގާމެވެ.
