ރައީސް ޔާމިންގެ ވާހަކަވެސް އަދި ސިޔާސީ އެހެން ލީޑަރެއްގެ ވާހަކަވެސް "ޕާރސަނަލް ލެވެލްއެއްގައި" ދައްކަވަން ބޭނުންފުޅު ނުވާކަމުގައި ރައީސް މުއިއްޒު ވިދާޅުވެއްޖެއެވެ.
މިއަދު ރައީސް އޮފީހުގަ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ރައީސް މުއިއްޒު މިހެން ވިދާޅުވީ، ރައީސް ޔާމިންއާއި އެމަނިކުފާނާ ދެބޭފުޅުންގެ މެދުގައި އޮތްކަކަމަށް މީޑިއާތަކުގައި ދެކެވެމުންދާ ވާހަކަތަކަށް ނިސްބަތްކޮށް ނޫސްވެރިޔަކު ކުރި ސުވާލަކަށް ޖަވާބު ދެއްވަމުންނެވެ.
މިއަދު ނޫސްވެރިންގެ ބައްދަލުވުމުގައި ތަކުރާރުކޮށް ނޫސްވެރިޔަކު ސުވާކު ކޮށްފައިވަނީ، އިންތިޚާބުވެވަޑައިގަތް ފަހުން ރައީސް ޔާމިންގެ ފޯނުކޯލްތަކަށްވެސް އަދި މެސެޖުތަކަށްވެސް ރައީސް މުއިއްޒު ޖަވާބު ނުދެއްވާކަމަށް ރައީސ ޔާމިންގެ ގާނޫނީ ވަކީލުން ވިދާޅުވަމުން ގެންދަވާތީ އެކަމުގެ ހަގީގަތް ސާފު ކޮށްދިނުމަށް އެދިއެވެ.
އެ ސުވާލުގެ ޖަވާބުގައި ރައީސް މުއިއްޒު ވިދާޅުވީ އެކަނިކުފާނަކީ އެއްވެސް އިރަކުން އެހެން ބޭފުޅުންގެ ވާހަކަ ދައްކަވާ ބޭފުޅެއް ނޫންކަމަށާއި، ކުރިންވެސް އެގޮތަށް ވާހަކަ ދައްކަވާފައި ނުވާނެ ކަމަށެވެ.
އަޅުގަޑު ދެންނެވީ އެއްވެސް އެހެން ބޭފުޅެއްގެ، އާއި ބެހޭގޮތުން ޕާސަނަލް ލެވެލްއެއްގައި އަޅުގަޑެއް މިހާތަނަށްވެސް ނުދައްކަމެއް ނޫންހޭ އެއްވެސް ވާހަކައެއް. ދުވަހަކުވެސް ނުދައްކަން. މިވެނި ބޭފުޅަކު މިހެން ވިދާޅުވިއޭ. އަޅުގަޑު އެބޭފުޅަކާ އެހެން ވާހަކަ ދެއްކީމޭ، މިހެން ވިދާޅުވިއޭ، މިހެންގޮސް އެހެން އެއްވެސް މީހެއްގެ ވާހަކައެއް ދައްކާ މީހެއް ނޫނޭ މިއީކީ. އެހެންވެގެން (އެހެން ބޭފުޅުންގެ) ވާކަ ނުދައްކާވާހަކަ މިދެންނެވީ.
ރައީސް ޔާމިންއާއި ދެބޭފުޅުންގެ މެދުގައި އުފެދުނުކަމަށް ބުނާ މައްސަލަތަކާއި ގުޅޭގޮތުން ނޫސްވެރިޔަކު ތަކުރާރުކޮށް ސުވާލު ކުރުމުން ރައީސް މުއިއްޒު ވިދާޅުވިއެވެ.
އޭގެ ޖަވާބުގައި ރައީސް މުއިއްޒުއާއި ގުޅުވައިގެން ދެކެވޭ ވާހަކަތަކަށް ޖަވާބު ދެއްވަން ވާނެނޫންތޯ ނޫސްވެރިޔަކު ކުރި ސުވާލަށް ޖަވާބު ދެއްވަމުން ރައީސް މުއިއްޒު ވިދާޅުވީ ކެމްޕޭން ތެރޭގަވެސް އެމަނިކުފާނާ ގުޅުވައިގެން ނުދައްކާ ވާހަކައެއް ނެތްކަމަށާއި އެވާހަކަތަކާ ގުޅުވައިގެންވެސް އެހެންބޭފުޅުންގެ ވާހަކަ ދައްކަވަން ބޭނުންފުޅު ނުވާކަމުގައެވެ.
އަޅުގަޑާ (ގުޅުވައިގެން) ހަގީގަތާ ޚިލާފް ކިހާވާހަކައެއް ދެކެވޭތޯ؟ ކެމްޕޭން ތެރޭގަވެސް މަދެއް ނޫން ދެއްތޯ! ފޮޅިފޮޅި ހަދައިގެންވެސް ބެހި.
ރައީސް މުއިއްޒު ރައީސް ޔާމިންގެ ފޯން ނުނަންގަވާ ކަމަށާއި، އަދި މެސެޖަށް ޖަވާބު ނުދެއްވާކަމަށް ތުހުމަތުކޮށް ރައީސް ޔާމިންގެ ގާނޫނީ ވަކީލުން ދައްކަވަނީ ދޮގު ވާހަކަތަކެއްނަމަށް އެކަން ސާފުކޮށްދިނުމަށް އެދި ނޫސްވެރިޔަކު ކުރި ސުވާލަށް ޖަވާބު ދެއްވަމުން ރައީސް ވިދާޅުވިއެވެ.
ކޮމެންޓު ފޮނުވާ