ވިނަރެސް ފްލެޓާއި ހިޔާ ފްލެޓްގެ ކުރި. ސަރުކާރުން ކުޑަކޮށްފިއެވެ. މިގޮތުން ހިޔާ ފްލެޓްގެ ކުލި ހަމަޖައްސާފައިވަނީ 3،984 ރުފިޔާއަށެވެ.
މިކަން އިއުލާން ކޮށްފައިވަނީ، ރައީސް މުއިއްޒު ކެބިނެޓާއެކީ ބޭއްވި ބައްދަލުވުމަކަށްފަހު ކުރިޔަށްދިޔަ ނޫސްވެރިންގެ ބައްދަލުވުމުގައި ވާހަކަދައްކަވަމުންނެވެ.
މިއަދުގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން ރައީސް ވިދާޅުވީ މިހާރު ނިންމާފައިވާނީ ފްލެޓްތަކުގެ އަގުން ދެލައްކަ ރުފިޔާއަށްވާވަރަށް އުނިކުރާގޮތަށް ކަމަށެވެ. އެގޮތުން ފެލެޓްއަގުން އުނިކުރުމުން މިހާރު ދައްކާ 5،300 ރުފިޔާގެ ބަދަލުގައި 7 އަހަރު ދުވަހަށް ދެން ދައްކަން ޖެހޭނީ 3984 ރުފިޔާ ކަމުގައެވެ.
މިހާރު އޮންނަ ގޮތުން ކުރިއަށް އޮތް 7 އަހަރަށް ދައްކަން ޖެހެނީ 5،300 ރުފިޔާ. އެ ހަތް އަހަރު ދުވަހަށް ދެން ދައްކަން ޖެހޭނީ މަހަކު 3،984.21 ރުފިޔާ. މި އަގަށް ކުޑަވަނީ ކުރިއަށް އޮތް 7 އަހަރު ދުވަހަށް މިހާރު އެގްރީމެންޓަށް އަންނާނެ ބަދަލާއި އެކު. މުއްދަތަކަށް ބަދަލެއް ނާންނާނެ.
ރައީސް ވިދާޅުވިއެވެ.
ރައީސް އިތުރަށް ވިދާޅުވީ ވިނަރެސް ފްލެޓްތަކުގެ، މިހާރު ޑައުންޕޭމަންޓަށް ދައްކާ އަދަދު 50 އިންސައްތަ ކުޑަކޮށްދޭނެ ކަމަށާއި އެވްރެޖްކޮށް މަހަކު ދައްކާ އަދަދުން 4،200 ރުފިޔާ އުނިވާގޮތަށް ނިންމާފައިވާ ކަމަށެވެ.
ޑައުންޕޭމަންޓް 50 އިންސައްތައަށް ކުޑަވެ، މަހުން މަހަށް ދައްކާ އަދަދުން، އެކި ފަރާތްތަކުން އެކި ވަރަށް ދައްކަމުން ދަނީ ޑައުންޕޭމަށްޓަށް ޑިޕެންޑް ވާ ގޮތަށް. އެދައްކާ އެއްޗަކުން 4،200 އެޗްރެޖްކޮށް އުނިވެގެންދާނެ. އެ ނިންމުން ވެސް މިއަދު ވާނެ ނިންމިފަ.
ރައީސް މުއިއްޒު ވިދާޅުވިއެވެ.
ކޮމެންޓު ފޮނުވާ