ޔާ އެޑިއުކޭޝަން މިނިސްޓަރު ޑރ. މަރިޔަމް މާރިޔާ އަތުގައި އޮތް ނިއުޒިލޭންޑުގެ ޕާސްޕޯޓު ދޫކޮށްލައިފިއެވެ.
މިނިސްޓަރ ވިދާޅުވީ ނިއުޒިލޭންޑުގެ ޕާސްޕޯޓު ދޫކޮށްލީ ވަޒީރުކަމަށް ވަޑައިގަތުމަށްކަމަށެވެ. މިނިސްޓަރ މިހެން ވިދާޅުވީ، ވަޒީރުންނަށް ރުހުން ދިނުމުގެ ކުރިން، އެއްވެސް ވަޒީރެއްގެ އަތުގައި ބޭރު ގައުމެއްގެ ޕާސްޕޯޓު އޮތްތޯ ބެލުމަށް ރައީސް އޮފީހުގައި އެދުމަށް ރައްޔިތުންގެ މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީން ނިންމާފައިވާތީއެވެ.
މި ސަރުކާރުގެ ހައުސިން މިނިސްޓަރުކަމަށް ވަޑައިގެންނެވި ޑރ. އަލީ ހައިދަރު ވަޒީރުކަމާއި ހަވާލުވީ އިނގިރޭސި ރައްޔިތުކަން ދޫކޮށްލާފަ ކަމަށް ޭނާވެސް ވަނީ ވިދާޅުވެފައެވެ.
މި ސަރުކާރުގެ ވަޒީރުކަމާއި ހަވާލުވުމާއި ހަމައަށް ހައިދަރު ދިރިއުޅުއްވަމުން ގެންދަވާފައިވަނީ އިނގިރޭސިވިލާތުގައެވެ.
މި ސަރުކާރުގެ 22 ވަޒީރުންނަށް ރުހުން ދިނުމުގެ ކުރިން އެއްވެސް ވަޒީރެއްގެ އަތުގައި އެހެން ގައުމެއްގެ ރައްޔިތުކަން އޮވޭތޯ ބެލުމުގެ މައްސަލަ ރައްޔިތުންގެ މަޖިލިހުގެ ސަރުކާރުގެ މަސްއޫލިއްޔަތު އަދާކުރާ ކޮމިޓީގައި ވަނީ ފެންމަތި ކޮށްފައެވެ.
އެގޮތުން ބައެއް ވަޒީރުންގެ އަތުގައި އެހެން ގައުމެއްގެ ޕާސްޕޯޓު އޮވެދާނެ ކަމަށް ޝައްކު ކުރެވޭތީ، އެކަން އިތުރަށް ސާފުކުރަން ރައީސް އޮފީހުގައި އެދެން އެ ކޮމިޓީން މިއަދު ފާސްވެސް ކޮށްފައި ވެއެވެ.
