ދިވެހީންނަކީ އެމަނިކުފާނަށް އަބަދުވެސް 1 ވަނަ ކަމަށާއި، އެހެން ހުރިހާ ގައުމެއްގެ މައްޗަށް ރާއްޖޭ އަބަދުވެސް އިސް ކުރައްވާނެ ކަމުގައި، މިއަދި ރާއްޖޭގެ ރައީސުލްޖުމުހޫރިއްޔާގެ މަގާމުގެ ހުވާ ކުރެއްވި، ޑރ. މުއިއްޒު ވިދާޅުވެއްޖެއެވެ.
މިއަދު ރައީސްކަމުގެ ގާނޫނީ ހުވާ ކުރެއްވުމަށްފަހު، ރައްޔިތުންގެ މަޖިލިހުގެ މެމްބަރުންނާ މުޚާޡަބުކުރައްވާ ވާހަކަ ދައްކަވަމުން މުއިއްޒު ވިދާޅުވީ ރާއްޖޭގެ މިނިވަންކަމުގެ ރަތް ރޮނގު ދަމާލާނީ ފިސާރި ފަލަކޮށް ކަމަށެވެ. އަދި ވިދާޅުވީ ރާއްޖޭގެ މިނިވަންކަން ހިމާޔަތް ކުރުމަކީ އެމަނިކުފާނަށް ލިބޭނެ އެންމެ ބޮޑު އުފާ ކަމުގައެވެ.
އަދި ޑރ. މުއިއްޒު ވިދާޅުވީ ދުވަހަކުވެސް ރާއްޖޭގައި ބޭރު ސިފައިންގެ އެއްވެސް މީހަކު ހުރުމަށް ދުވަހަކުވެސް ފުރުސަތު ނުދެއްވާނެ ކަމުގައެވެ. އެމަނިކުފާނަށް އެންމެ މުހިންމުވާނީ ރާއްޖޭގެ މިނިވަންކަންކަމަށް ވިދާޅުވަމުން ޑރ. މުއިއްޒު ވިދާޅުވީ އެއީ ހުރިހާ ގައުމެއްގައިވެސް އެކަން އޮންނަންވާނެ ގޮތް ކަމުގައެވެ.
ޑޮކްޓަރ މުޙައްމަދު މުޢިއްޒުއާއި، ޙުސައިން މުޙައްމަދު ލަޠީފް، މަޤާމުގެ ޤާނޫނީ ހުވައި ިއަދު ކުރައްވާފައިވަނީ މިކަމަށްޓަކައި މިއަދު ހަވީރު 4:45 ގައި ޖުމްހޫރީ މައިދާނުގައި ބޭއްވުނު ރައްޔިތުގައެވެ. ދެބޭފުޅުންނަށްވެސް ހުވާ ލައިދެއްވީ ރާއްޖޭގެ އުއްތަމަ ފަނޑިޔާރުއެވެ.
