ކުޑަކުދިންނަށް ދޭ ހުން ބޭހެއްގެ ކޮލިޓީ މައްސަލައެއް ފާހަގަކުރެވިގެން އެބޭސް ވިއްކުމާއި ބޭނުންކުރުން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)އިން މަނާކޮށްފިއެވެ. ވިއްކުން މަނާކުރީ ކަލްޕޮލް ޕީޑިއެޓްރިކް ޑްރޮޕްސް ނަމަކަށް ކިޔާ ކުޑަކުދިންނަށްދޭ ޕެރަސެޓްމޯލެކެވެ. އެ އޮތޯރިޓީން ބުނީ ބުނީ, ރާއްޖޭގެ މާކެޓުގައި މިވަގުތު ހުރި މި ބޭހުގެ ކުލަ ބަދަލުވެ, ގަނޑުވެފައި ހުރިކަން ފާހަގަކުރެވިފައިވާ ކަމަށާއި، މިއީ އިންޑިއާގައި އުފައްދާ ކުޑަކުދިންނަށް ދޭ ބޭހެއްކަަމަށެވެ.
އެހެންކަމުން އެ އޮތޯރިޓީން ބަލަންޖެހޭ ކަންކަން ބަދަމުންދާތީ, އެ ބޭސް ރާއްޖެ އެތެރެ ކުރުމާއި ވިއްކުމާއި އަދި ބޭނުން ކުރުމް މަނާކޮށްފައިވާކަމށް އެމްއެފްޑީއޭން ބުންޏެވެ.
މިކަމާއި ގުޅޭ އިތުރު މައުލޫމާތު ބޭނުންވާނަމަ އެ އޮތޯރިޓީގެ ހޮޓްލައިން، 7200321 އަށް ގުޅުމަށް ވަނީ އެދިފައެވެ.
އެމްއެފްޑީއޭއިން ދާދިފަހުން ވަނީ ކުޑަކުދިންގެ ހުމާއި ކެއްސުމަށްދޭ ބޭހެއްވެސް މަނާކޮށްފައެވެ.
