އިންތިޚާބީ ރައީސް ޑރ.މުޙައްމަދު މުއިއްޒު، ރައީސުލްޖުމްހޫރިއްޔާކަމުގެ ހުވާކުރުމަށް ބާއްވާ ރަސްމިއްޔާތަށް، މަޖިލީހުގެ ރައީސް މުޙައްމަދު ނަޝީދާއި، އެމަނިކުފާނުގެ ޓީމުން މަސައްކަތްކުރާކަމަށް ފޭދޫ ދާއިރާގެ އެމްޑީޕީ މެންބަރު މުޙައްމަދު ނިހާދު ތުހުމަތުކުރައްވައިފިއެވެ.
ނިހާދު މިހެން ވިދާލުވެފައިވާއިރު، އެމްޑީޕީގެ ޕާލިމަންޓްރީ ގްރޫޕުން ވަނީ ރައީސް ނަޝީދު މަޖިލީހުގެ ރައީސްކަމުން ވަކިނުކޮށް، ނަޝީދު ރިޔާސަތުގައި އިންނަވައިގެން އިންތިޚާބީ ރައީސް މަގާމުގެ ހުވާކުރައްވައިފިނަމަ އެ ހުވައަކީ ސައްޙަ ހުވައަކަށް ވެގެން ނުދާނެ ކަމަށާއި، އެފަދަ ހާލަތެއްގައި ޑރ. މުއިއްޒު ހުށަހަޅުއްވާ ކެބިނެޓަށް މަޖިލިހުގެ ރުހުން ނުދޭނެކަމަށް ބުނެފައިވަނިކޮށެވެ.
ނިހާދު ވިދާޅުވީ، އިންތިޚާބީ ރައީސް ޑރ. މުހައްމަދު މުޢިއްޒުގެ ހުވާ ކުރުމުގެ ރަސްމިއްޔާތާއިމެދު ޤާނޫނީ ސުވާލު އުފައްދައި އެ ރަސްމިއްޔާތަށް ހުރަސް އެޅުމަށް ރައީސް ނަޝީދުގެ ޓީމުން ދަނީ ރާވަމުންކަމަށެވެ.
– ނިހާދު ވިދާޅުވިއެވެ.
ނިހާދު މިހެން ވިދާޅުވިނަމަވެސް، އެމްޑީޕީގެ ޕާލަމެންޓްރީ ގުރޫޕުގެ ލީޑަރ މުހައްމަދު އަސްލަމް ވިދާޅުވީ، މިހާރު މަޖިލިހަށް ހުށަހަޅާފަ އޮތް މަޖިލިސް ރައީސްގެ އިތުބާުރު ނެތްކަމުގެ މައްސަލައާއި ގުޅޭގޮތުން ގޮތެއް ނުނިންމާ، ނަޝީދު ރިޔާސަތުގައި އިންނަވައިގެން ނޮވެމްބަރު 17 ވަނަ ދުވަހު ޑރ. މުއިއްޒު ރާއްޖޭގެ ރައީސްކަމުގެ ހުވާ ކުރައްވައިފިނަމަ އެއީ ސައްހަ ހުވައެއް ކަމަށް ގަބޫލު ނުކުރައްވާނެ ކަމުގައެވެ.
މްޑީޕީގެ ކިނބުދޫ ދާއިރާގެ މެމްބަރު މުހައްމަދު ނާޝިޒު ވިދާޅުވީ، މިހާރު ހުށަހެޅިފަ އޮތް މައްސަލައާމެދު ގޮތެއް ނުނިންމާ މަޖިލިސް ރައީސްކަމުގަ މިހާރު ނަޝީދަށް އިންނެވޭނެކަމަށް ގަބޫލުވެސް ނުކުރައްވާނެ ކަމުގައެވެ. އަދި އެނާ ވިދާޅުވީ މިމައްސަލައާމެދު ގޮތެއް ނުނިންމާ، މުއިއްޒު ހުވާކުރާދުވަހުވެސް ނަޝީދަށް ރިޔާސަތުގަ އިންނެވިގެން ނުވާނެ ކަމަށާއި، އެފަދަ ހާލަތެއް އަތުވެއްޖެނަމަ މުއިއްޒު ހުވާކުރާ ރަސްމިއްޔާތު ސައްޙަ ރަސްމިއްޔާތަކަށް ވެގެން ނުދާނެކަމަށްވެސް އޭނާ ވިދާޅުވިއެވެ.
ނާޝިޒު އިތުރަށް ވިދާޅުވި އެގޮތަށް ޑރ. މުއިއްޒު މަގާމުގެ ހުވާ ކުރައްވައިފިނަމަ، މުއިއްޒު އައްޔަން ކުރައްވާ ކެބިނެޓަކަށް މަޖިލިހުގެ ރުހުންވެސް ލިބިގެން ނުދާނެ ކަމުގައެވެ.
One Response
ބަލަމަޖިލީހުގެރައީސް ވަކިކުޔުމަކީ މަޖިލީޖުގެކަމެއް ރައީސަކުހުވާކުރުމާ އެކަމަކާގުޅުމެނެތް