ރައީސް ސާލިހުގެ އަނބިކަބަލުން، ފަސްޓް ލޭޑީ ފަޒުނާގެ ޓުވިޓަރ އެކައުންޓު ޑިލީޓް ކޮށްފިއެވެ. ފަޒުނާގެ ޓުވިޓަރ އެކައުންޓު ކުއްލިގޮތަކަށް ޑިލީޓް ކުރި ސަބަބެއް އަދި ސާފުވެފައެއް ނުވައެވެ. އަދި ޓުވިޓަރ އެކައުންޓު ޑިލީޓު ކުރި ވަކި ތާރީޚެއްވެސް އަދި ޔަގީން ކުރެވިފައެއް ނުވެއެވެ.
އެހެންނަމަވެސް ފަސްޓްރ ލޭޑީގެ ޓުވިޓަރ އެކައުންޓު ވަރަށް ފަހަކާ ޖެހެންދެންވެސް އެކްޓިވްކޮށް ބޭނުން ކޮށްފައިވާކަން ފާހަގަ ކޮށްލެވެއެވެ. އެގޮތުން ރައީސް ސާލިހުގެ ވެރިކަމުގެ ދައުރުގައި އެހާ ގިނައިން އެކައުންޓު ބޭނުން ކުރައްވާފައި ނުވިނަމަވެސް، ބައެއް ފަރާތްތަކުން މީގެކުރިން ރީ ޓުވީޓު ކޮށްފައިވާ އެ އެކައުންޓުގެ ބައެއް ޓުވީޓުތަކުން އެގޭ ފަސްޓު ލޭޑީގެ ޓުވިޓަރ އެކައުންޓަކީ 2013 ވަނަ އަހަރުން ފެށިގެންވެސް ބޭނުން ކުރަމުން އައިސްފައިވާ ޓުވިޓަރ އެކައުންޓެކެވެ.
ފަސްޓު ލޭޑީގެ ޓުވިޓަރ އެކައުންޓް ޑިލީޓް ކުރި ސަބަބަކާއި ގުޅޭގޮތުން މިހާތަނަށް ރަސްމީ އެއްވެސް ފަރާތަކުން އެއްޗެއް ހާމަކޮށްފައެއް ނުވެއެވެ.
