ރިޔާސީ އިންތިޚާބުން އެމްޑީޕީ ބަލިވުމުގެ އެންމެ ބޮޑު އަސްލަކީ ސަރުކާރުގެ ވެރިން ގެންގުޅުނު ބަދަލު ހިފުމުގެ ރޫހުކަމަށް މަކުނުދޫ ދާއިރާގެ އެމްޑީޕީގެ މެންބަރު މުޙައްމަދު ރާޢީ ވިދާޅުވެއްޖެއެވެ.
ރިޔާސީ އިންތިކާބުގެ ދެބުރުންވެސް އެމްޑީޕީ ވަނީ ނާކާމިޔާބުވެފައެވެ. ނަމަވެސް އެމްޑީޕީގެ ވެރިންނާއި ލީޑާޝިޕުން ދިޔައީ އެއްބުރުން އިންތިޚާބު ކާމިޔާބުކުރާނެކަމަށް ވިދާޅުވަމުންނެވެ.
ރިޔާސީ އިންތިޚާބު ނިމުނުތާ މަހެއްހާ ދުވަސް ފަހުން ކުރެއްވި ޓްވީޓެއްގައި މެންބަރު ރާޢީދ ވިދާޅުވީ ރިޔާސީ އިންތިޚާބުން އެޕާޓީ ބަލިވި އެންމެ ބޮޑު އަސްލަކީ ދައުލަތުގެ ވަޒީރުންނާއި، ކުންފުނިތަކުގެ ވެރިން، ރައްޔިތުންނާމެދު ގެންގުޅު ބަދަލު ހިފުމުގެ ރޫހުކަމަށެވެ.
– މުޙައްމަދު ރާޢީ ވިދާޅުވިއެވެ.
ރިޔާސީ އިންތިޚާބުން އެމްޑީޕީގެ ރިޔާސީ ކެންޑިޑޭޓް އަދި ރައީސް އިބްރާހީމް މުޙައްމަދު ޞާލިޙް ނާކާމިޔާބުވީ ބޮޑު ތަފާތަކުންނެވެ. އެމަނިކުފާނަށް ލިބިވަޑައިގަތީ 45 އިންސައްތަ ވޯޓެވެ. އަދި އިންތިޚާބު ކާމިޔާބުކުރި ޑރ.މުޙައްމަދު މުޢިއްޒަށް ލިބިވަޑައިގަތީ 54 އިންސައްތަ ވޯޓެވެ.
