ބޮޑުކަންނެލި މަސްވެރިންގެ ޔޫނިއަންގެ އިފްތިތާހީ ޖަލްސާ ކަންނެލި ދޯނިފަހަރުގައި ކަނޑުމަތީގައި ކުރިއަށް އެބަގެންދެއެވެ.
މި ޖަލްސާ ބާއްވަނީ ގުޅީފަޅު ސަރަހައްދުގައެވެ. އެޔޫނިއަނުން ބުނީ އިފްތިތާހީ ޖަލްސާ ލަސްވެފައިވަނީ ކޮވިޑްގެ ސަބަބުން ކަމަށެވެ.
އެޖަމިއްޔާއިން ބުނީ ޖަމްއިއްޔާގެ ހަޤީޤީ މަޤްސަދުގައި މަސައްކަތްތައް ކުރުމާއި، ހިންގުމާއި ގުޅިފައިވާ އެންމެހާ ދަތި އުނދަގޫތަކުގެ ސަބަބުން މެމްބަރުންގެ ކަންބޮޑުވުން އިތުރުވުމާއެކު ޖަމްއިއްޔާގެ އިފްތިތާޚީ ޖަލްސާ މަސްވެރިންގެ ދުވަހާއި ގުޅުވައިގެން ކަނޑުމަތީގައި ބޭއްވީކަމަށެވެ. މި ޖަލްސާގައި ޖަމިއްޔާގެ ހިންގާ ކޮމެޓީ އިންތިހާބުކޮށް، ހިންގާ ޤަވާއިދު ފާސްކުރުމަށް ވަނީ ހަމަޖެހިފައެވެ.
މި ޖަލްސާއަށްފަހު މަސްވެރިންނަށް ހުރި ދަތިތަކާގުޅޭގޮތުން ކަންބޮޑުވުން ފާޅުކުރުމަށް ކަންނެލި ދޯނިފަހަރުން މާލެ ސަރަހައްދުގައި ދޯނި ބުރެއް ބޭއްވުމަށް ވަނީ ހަމަޖެހިފައެވެ.
