ކްލަބް ވެލެންސިއާ އަހަރެއްގެ މެދުކެނޑުމަށް ފަހު ވަރުގަދަ ސްކޮޑެއް އެކުލަވާލައި ފުރަތަމަ ޑިވިޝަނުގައި ވާދަކުރާއިރު ލީގުގައި ރަނގަޅު ކާމިޔާބު ހޯދޭ ފެންވަރުގެ ޓީމެއް އެބައޮތްކަމަށް ކެޕްޓަން އަކްރަމް އަބްދުލް ގަނީ (އަކޫ) ބުނެފި އެވެ.
އާ ސީޒަނަށް ވެލެންސިއާގެ ތައްޔާރީތަކާ ބެހޭގޮތުން ނޫސްވެރިންގެ ބައްދަލުވުމުގައި ވާހަކަ ދައްކަމުން އަކޫ ބުނީ މެދުކެނޑުމަށް ފަހު ވަރުގަދަ ސްކޮޑެއް އެކުލަވާލައި ފުރަތަމަ ޑިވިޝަނުގައި ވާދަކުރާއިރު ބޭނުންވަނީ އެ ޓީމު ކުރިން އޮތް ހިސާބަށް ގެންދިއުމަށް ކަމަށެވެ. ޓީސީ ސްޕޯޓްސް ކްލަބް ދޫކޮށް އަލުން ވެލެންސިއާއާ ގުޅުނު ގައުމީ ޓީމުގެ ކެޕްޓަން ބުނީ ޕްރެކްޓިސް އެންމެ ފުރަތަަމަ ފެށިއިރު އޮތް ޓީމާއި މިހާރުގެ ސްކޮޑު އޮތީ ވަރަށް ބޮޑަށް ބަދަލުވެފައި ކަމަށާއި އެކަމަކު މި ސީޒަނަށް އެއްކޮށް ބަލާނަމަ ވެލެންސިއާ އަށް ރަނގަޅު ނަތީޖާތަކެއް ނެރެވޭނެ ކަމަށެވެ.
ކުޅުންތެރިންނާއި ކޯޗުންނާއި މެނޭޖްމަންޓުގެ މަސައްކަތުން ބޭނުންވަނީ ވެލެންސިއާ ކުރީގައި ވެސް އޮތް ގޮތަށް ކާމިޔާބު ޓީމަކަށް ހަދައި ކުރީގައި އޮތް ހިސާބަށް ގެންދިއުން.
– އަކޫ ބުނެފައިވެއެވެ.
އަކޫ އަކީ 10 އަހަރުތެރޭ ވެލެންސިއާ އިން ފުރަތަމަ ޑިވިޝަނުގައި ހޯދި ފުރަތަމަ ތަށި ކަމަށްވާ 2016 ވަނަ އަހަރުގެ އެފްއޭ ކަޕް ހޯދި ޓީމުގެ މުހިއްމު ކުޅުންތެރިއެކެވެ. މިއީ އަކޫ ވެލެންސިއާ އަށް ކުޅޭ ހަތަރު ވަނަ ފަހަރެވެ.
ވެލެންސިއާ ލީގުގައި ކުޅޭ ފުރަތަމަ މެޗުގައި ހޯމަދުވަހުގެރޭ ބައްދަލުކުރާނީ ކްލަބް ގްރީން ސްޓްރީޓްސްއާ އެވެ.
ކޮމެންޓު ފޮނުވާ