އިޒްރޭލުން ފަލަސްތީނުގެ ޣައްޒާއާ ދެކޮޅަށް ހިންގަމުންދާ "ހަނގުރާމައިގެ ޖަރީމާތައް" ވަގުތުން ހުއްޓާލުމަށް އީރާނުން އިސްރާއީލަށް އިންޒާރު ދީފި އެވެ.

އިރާނުން އިސްރާއީލަށް އިންޒާރުކޮށްފައިވަނީ، ފާއިތުވި 24 ގަޑިއިރުގެ ތެރޭގައި ޣައްޒާއަށް އިސްރާއީލުގެ އަސްކަރިއްޔާއިން ފަލަސްތީނުގެ ޣައްޒާއަށް ދިން ހަމަލާތަކުގައި 320 އަށް ވުރެ ގިނަ މީހުން ޝަހީދުވެފައި ވަނިކޮށެވެ. އޭގެ ތެރޭގައި ޣައްޒާ ސިޓީ ދެކުނުގެ ސަރަހައްދު ދޫކޮށް ދިޔަ ގާފިލާތަކަށް އިސްރާއީލުން ދިން ވައިގެ ހަމަލާތަކުގައި ޝަހީދުވި ގިނަ އަންހެނުންނާއި ކުޑަކުދިން ވެސް ހިމެނެއެވެ.

އިސްރާއީލުން ޣައްޒާއަށް ބޮމުގެ ހަމަލާތައް ދެމުން ދަނީ މިދިޔަ ހަފުތާގައި އިސްރާއީލުގެ އެތެރޭގައި ހަމާސް ޖަމާއަތުން ދިން ހަމަލާއަށް ފަހު، 1.1 މިލިއަން ރައްޔިތުން ޣައްޒާގެ ދެކުނުން އުތުރަށް ދިއުމަށް އަންގާފައި ވަނިކޮށެވެ.

އިސްރާއީލުން ޣައްޒާއަށް ދިން ވައިގެ ހަމަލާތަކުގައި ފަލަސްތީނުގެ 2،215 މީހުން މިހާތަނަށް ޝަހީދުވެ، 8،714 މީހުން ޒަޚަމްވެއްޖެއެވެ. އިޒްރޭލުގައި މަރުވި މީހުންގެ އަދަދު 1،300 އަށް އަރާފައިވާއިރު 3،400 އަށް ވުރެ ގިނަ މީހުން ވަނީ ޒަހަމްވެފަ އެވެ. އިސްރާއީލުން ހިފާފައިވާ ހުޅަނގު އައްސޭރީގައި ފާއިތުވި ހަފުތާގައި އިސްރާއީލުން ދިން ބަޑީގެ ހަމަލާތަކުގައި ޝަހީދުވި ފަލަސްތީނުގެ މީހުންގެ އަދަދު 50 އަށް ވުރެ މައްޗަށް ވަނީ އަރާފައެވެ. އަދި 1،000 އަށް ވުރެ ގިނަ މީހުން ޒަހަމްވެ އެތައް ސަތޭކަ ބަޔަކު ވަނީ ހައްޔަރުކޮށްފަ އެވެ.