ކޮންމެ ރައީސަކާއެކު ކޮމިޝަނަރ އޮފް ޕޮލިސް ބަދަލުވާ ނިޒާމު ބަދަލުކުރަންޖެހޭކަމަށް ކުރީގެ ކޮމިޝަނަރ އޮފް ޕޮލިސް އަދި އެމްއެންޕީގެ ނާއިބު ރައީސް ޢަބްދުﷲ ރިޔާޒް ވިދާޅުވެއްޖެއެވެ. އޭނާ މިހެން ވިދާޅުވީ، މިހާރު ސީޕީގެ މަޤާމުގައި ހުންނެވި މުޙައްމަދު ހަމީދު ނޮވެމްބަރު 17ގައި އައު ސަރުކާރު ހުވާ ކުރުމުގެ ކުރިން ނޮވެމްބަރު 11ގައި ރިޓަޔަރކުރައްވަން ނިންމަވާފައިވުމުން އެކަމަށް އިޝާރާތްކުރައްވައެވެ.
ތިމަރަފުށީ ދާއިރާގެ މެންބަރުކަންވެސް ކުރައްވާ ކުރީގެ ސީޕީ ޢަބްދުﷲ ރިޔާޒް ވިދާޅުވީ، ފުލުހުންގެ ޚިދުމަތުން ތަޢުލީމީ، ޤާބިލް އަދި ތަޖުރިބާލިބިފަހުރި ޚިދުމަތްތެރިން ރިޓަޔަރ ކުރަންޖެހޭ އުމުރު ހަމަނުވަނީސް ޤައުމީ ޚިދުމަތުން ރިޓަޔަރ ކުރަންޖެހުމަކީ ފުލުހުންގެ ޚިދުމަތަށާއި ޤައުމަށް އެންމެ ރަނގަޅު ގޮތެއްނޫންކަމަށެވެ.
– ޢަބްދުﷲ ރިޔާޒް ވިދާޅުވިއެވެ.
ރާއްޖޭގައި ކޮންމެ ރިޔާސީ ދައުރަކަށްފަހު ވެރިކަން ބަދަލުވާއިރު، ކޮމިޝަނަރ އޮފް ޕޮލިސްގެ މަޤާމު ބަދަލުވެއެވެ. އެގޮތުން މިހާރުގެ ކޮމިޝަނަރ މުޙައްމަދު ހަމީދު އެ މަޤާމަށް އައްޔަންކުރެއްވީ މިހާރުގެ ސަރުކާރުން 2018ގައި އައުމަށްފަހުއެވެ. ކޮމިޝަނަރ އޮފް ޕޮލިސްގެ މަޤާމަށް ބޭފުޅަކު އައްޔަންކުރައްވާނީ ރައީސުލްޖުމްހޫރިއްޔާއެވެ.
