ބޯކޮށް ވާރޭވެހޭނެ ކަމަށް ލަފާކޮށް މޫސުމާބެހޭ އިދާރާއިން، ހއ. އިން ފ. އަށް މޫސުމާއި ބެހޭ ގައުމީ އިދާރާ (މެޓް) އިން މިއަދު ހުދު ސަމާލު ނެރެފިއެވެ.
މެޓުން އޮފީހުން ހުދު ސަމާލު ނެރެފައިވަނީ ކ. އަތޮޅުން ފެށިގެން ފ. އަތޮޅާއި ހަމައަށް ރޭގެ 00:00 އިން ފެށިގެން މިއަދު ހެނދުނު 11:00 އަށެވެ. މިވަގުތުތަކުގައި ބޯކޮށް ވާރޭވެގުމާއެކު، ގުގުރާނެ ކަމަށްވެސް މެޓުން ވަނީ ލަފާ ކޮށްފައެވެ.
މިދުވަސްކޮޅަކީ ރާއްޖޭގެ އެކި ސަރަހައްދުތަކަށް މޫސުން ގޯސް ދުވަސްވަރެއް ކަމުން މެޓުން ވަނީ މޫސުމަށް ހާއްސަ ސަމާލުކަމެއް ދިނުމަށް އިލްތިމާސް ކޮށްފައެވެ.
އިއްޔެ މި ރަށްތަކަށް ބޯކޮށް ވާރޭ ވެހުމުގެ ސަބަބުން ފެންބޮޑުވެސް ވިއެވެ. އަދި ރޭ މާލެއަށްވެސް ވަނީ ބޯކޮށް ވާރޭ ވެހިފައެވެ.
