ރިިޔާސީ އިންތިޚާބުގެ ނަތީޖާއާއިއެކު މިވަގުތަކީ ދިވެހި އެންމެހާ ރައްޔިތުން އެއްބައިވަންތަކަން އިސްކޮށް ޤައުމުގެ ހަމަޖެހުމަށް މަސައްކަތް ކޮށްދެއްވުމަށް އިންތިޚާބީ ރައީސް ޑރ. މުހައްމަދު މުއިއްޒު އެދިވަޑައިިގެންފިއެވެ.

އިންތިޚާބުގެ ވަގުތީ ނަތީޖާއާއިއެކު ދިވެހި ރައްޔިތުންނާއި ބައްދަލު ކުރައްވާ މުއިއްޒު ވިދާޅުވީ މިވަގުތަކީ އެންމެން އެކަތިގަނޑަކަށްވެ އެކީގައި މަސައްކަތް ކުރަންވީ ވަގުތު ކަމަށެވެ. މިވަގުތު އިސްކުރަންވީ ޤައުމީ މަސްލަހަތު ކަމަށާއި، އަމިއްލަ މަސްހަތަށް ވުރެ ޤައުމުގެ މަސްލަހަތުތައް މާބޮޑުވާނެކަމަށް މުއިއްޒު ވިދާޅުވިއެވެ.

މުއިއްޒު ވިދާޅުވީ އިންތިޚާބުގެ ނަތީޖާއިން ލިބުނީ ހިތްހަމަޖެހުން ކަމަށާއި، ނަމަވެސް ނަތީޖާއާއިއެކު ކުރިންވެސް ދެންނެވި ވޮތަށް ޚިދުމަތް ކުރައްވާނީ އެއްވެސް މީހަކު ތަފާތުނުކޮށް ހަމަހަމަ އުސޫލުން ކަމަށެވެ.

ކޮންމެ ދިވެހި ރައްޔިތަކީ ހަމަހަމަ ރައްޔިތެއް. ކޮންމެ ޕާޓީއެއްގައި ހުއްޓަށް އެއީ ހަމަހަމަ ރައްޔިތެއް. އެއްވެސް ބޭފުޅަކު ހަމަޖެހުން ގެއްލޭފަދަ ކަމެއް ނުކުރުމަށް އިލްތިމާސް ކުރަން. އުފާ ފާޅުކުރާއިރުވެސް އުޅުމާއި ގުޅުން އޮންނަންވާނީ ރީތި އަޚުލާގުގެ ތެރެއިން. އަޅުގަނޑުމެންގެ ސަޕޯޓަރުންވެސް އުފާފާޅު ކުރަންވާނީ ރީީތި އަޚުލާގުގެ ތެރެއިން.

– މުއިއްޒު ވިދާޅުވިއެވެ.

މުއިއްޒު ވިދާޅުވީ މި ހުތޫރަތްތެރި ދަނޑިވަޅުގައި އެއްވެސް ފަރާތަކަށް ހަމަނުޖެހުން އުފެއްދުމަށް ޖާގަ ދީގެން ނުވާނެ ކަމަށެވެ. މި ދަނޑިވަޅުގައި ހަމަޖެހުން ގާއިމް ކުރުމަށް އަތުގުޅާލުމަށް މުއިއްޒު ވަނީ ގޮވާލާފައެވެ. އަދި މިނިވަންކަން ހިމާޔަތްކޮށް، އިޤްތިޞާދު ނަގާ ކޮޅަށް ޖަހައިދޭނެ ކަމުގެ ޔަގީންކަންވެސް މުއިއްޒު ވަނީ ދެއްވާފައެވެ.