މާދަމާއަކީ ރާއްޖޭގެ މުސްތަޤްބަލަށްޓަކައި މުހިންމު ނިންމުމެއް ނިންމާ ދުވަހެއްކަމަށް ވިދާޅުވެ، ކޮންމެ ދާއިރާއަކަށް މިސަރުކާރުން ގެންނެވި ހެޔޮ ބަދަލަށް ވިސްނެވުމަށް ރައީސް އިބްރާހީމް މުޙައްމަދު ޞަލިޙް އެދިވަޑައިގެންފިއެވެ.

ރިޔާސީ އިންތިޚާބުގެދެވަނަ ބުރަށް ކުރައްވާ ކެމްޕެއިން ނިންމެވުމަށް އުސްފަސްގަނޑުގައި ސަޕޯޓަރުންނާިއ ބައްދަލުކުރައްވާ ވާހަކަފުޅު ދައްކަވަމުން ރައީސް ވިދާލުވީ މިއީ ރާއްޖޭގެ މުސްތަޤްބަލަށްޓަކައި ވަރަށް މުހިންމު ނިންމުމެއް ނިންމާދުވަހެއްކަމަށާއި، އެއީ ޢުމުރުން ދުވަސްވީ އިސްރަށްވެހިންގެ މުސްތަޤްބަލާވެސް ގުޅިފައިވާކަމެއްކަމަށެވެ. އެއީ ތުއްތު ދަރިންގެ މުސްތަޤްބަލާއި، ޒުވާނުންނާއި އަންހެނުންނާއި ފިރިހެނުންނާއި، ކިޔަވާ ކުދިންނާއި، ވިޔަފާރިވެރިންނާއި މަސައްކަތްތެރިންނާއި، ރަށްރަށާއި މާލޭގައި އުޅޭ ރައްޔިތުންގެ މުސްތަޤްބަލާވެސް ގުޅިފައިވާކަމެއްކަމަށްވެސް ރައީސް ވިދާޅުވިއެވެ.

މިއީ ހަމަޖެހުމާ ސުލްހައާއި އަމާންކަމާއިވެސް ގުޅިފައިވާކަމެއް. ހަލަބޮލިކަމާއި ބިރުވެރިކަމާވެސް ގުލިފައިވާ ނިންމުމެއް.

– ރައީސް ޞާލިޙް ވިދާޅުވިއެވެ.

ރައީސް ވިދާޅުވީ، ވޭތުވެދިޔަ 10 އަހަރު ބައިކޮށްލާ ވިސްނާލުމުން ފަސް އަހަރު ބިރުވެރިކަމުގައިއި ހޭދަކުރި ކަންކަން ހިތަސް ގެނެވޭނެކަމަށެވެ. ނަމަވެސް 2018އިން ފެށިގެ މިހާތަނަށް މިއައީ ހަމަޖެހުމާއި އުފަލާއި އެއްބައިވަންތަކަމާއެކުކަމަށާއި، ރާއްޖޭގެ ތަރައްޤީއަށް މިއިިން ދުވަހަކު ނުކުރެވޭ ގިނަ މަސައްކަތްތަކާއެކުމަށްވެސް ރައީސް ވިދާޅުވިއެވެ.

ތުރާކުނުން ފެށިގެން އައްޑޫއާއި ހަމައަށް ގެނައި ތަރައްޤީ ކުރި ސަރުކާރާ އަޅާކިޔަން ޖެހޭކަމަށާއި، އެތައް މަޝްރޫޢުއެއް ހިނގިއްޖެކަމަށާއި، މާލޭގެ ތަރައްޤިއަށްވެސް ވިސްނަންޖެހޭކަމަށްވެސް ރައީސް ވިދާޅުވިއެވެ. އަދި، ގެންނެވި ހެޔޮ ބަދަލު މާލޭގެ ކޮންމެ ރައްޔިތަކު ވިސްނަންޖެހޭކަމެއްކަމަށްވެސް ރައިސް ވިދާޅުވިއެވެ.

މި ވޭތުވި 5އަހަރު ކުރިމަތިވި އާލަމީ ބޮޑު ވަބާގެ މަތިން އަދި އެއްފަހަރު އެ އިހްސާސްތައް ކޮށްލަންޖެހޭ. ކޯވީޑުން ސަލާމަތްކުރުމަށް ވަރަށް ގިނަ ބައެއްގެ ބުރަ މަސައްކަތް އެކުލެވޭ. މިއަދު މިވަނީ އެއިން ސަލާމަތްވެ ހިންދެމިލެވިފަ.

– ރައީސް ވިދާޅުވިއެވެ.

މި 5 އަހަރުގެ މަސައްކަތަކީ އެތައް ބައެއްގެ ގުރުބާނީގެ މަސައްކަތްކަމަށާއި، މިއަދު ރިސޯޓްތައް ހުޅުވި އާމްދަނީ ލިބެންފަށައިފިކަމަށްވެސް ރައީސް ވިދާޅުވިއެވެ. މަސްވެރިންނަށް އައު އުންމީދުތަކެއް ލިބިފައިވައިވާކަމަށާއި، ކިޔަވާކުދިން ހިތްހަމަޖެހޭ މާހައުލެއް، ސިއްޙީ ދާއިރާއަށް ރައްޔިތުން އިތުބާރުކުރެވޭ ކަންކަން ކުރެވިއްޖެކަމަށްވެ.

ފުރަތަމަ ބުރަށްފަހު ވަރަށް ގިނަ ބަޔަކާ ބައްދަލުވިކަމަށާއި، އެތައް ދާއިރާގެ ބަޔަކާ ބައްދަލުކުރެއްވިކަމަށް ރައީސް ވިދާޅުވިއެވެ. އެބޭފުޅުންގެ އިހްސާސްތައް ދެނެގަނެވިއްޖެކަމަށްވެސް ރައީސް ވިދާލުވިއވެެ.

ރައީސް ވިދާޅުވީ މިއަދު ހުންނެވީ އެންމެންގެ ކަންބޮޑުވުމާއި ވާހަކަތައް އައްސަވާފަކަމށާއި، މިހާރުން މިހާރަށް ގެންނަޖެހޭ ހުރިހާ ހެޔޮ ބަދަލެއް ގެންނަވާނެކަމަށެވެ. ރައިސް ވިދާޅުވީ މާދަމާ ލާ ވޯޓު 3 ނަންބަރަށް ނުލައިފިނަމަ ޤައުމު ހިތާމަ ކުރަންޖެހޭނެކަމަށެވެ. އަދި ވޯތު ލައިފިނަމަ މާދަމާ އުފާވެރި އަމާން ރާއްޖެއެއް ލިބޭނެކަމަށް ރައީސް ވިދާޅުވިއެވެ.