ފާދިއްޕޮޅު ނައިފަރު ރައްޔިތުންނަކީ ކުރާ ވަރަށް ގިނަ ކަންކަމުގައި. ތަފާތު ދައްކާ ބައެކެވެ. އިޖްތިމާޢީ ކަންކަމުގެ އިތުރުން ސިޔާސީ ކަންކަމުގައވެސް ިތަފާތު ކަންކަން ކުރެއެވެ.
ރިޔާސީ އިންތިޚާބުގެ ކެމްޕެއިން ފޯރި މުޅި ރާއްޖޭގެ އެކި ކަންކޮޅުތަކުން ދަނީ ފެންނަމުންނެވެ. އިންތިޚާބަށް ދެ ދުވަހަށްވެފައިވާއިރު، ކެމްޕެއިން ވަނީ މެކުހަށް ޖަހާފައެވެ. މިފަހަރު ނައިފަރު މީހުން މިވަނީ އަނެއްކާވެސް ކެމްޕެއިންގައި ތަފާތު ދައްކާފައެވެ.
ރިޔާސީ އިންތިޚާބުގައި ވާދަކުރައްވާ ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުޢިއްޒުއާއި، ރަނިންމޭޓް ޙުސައިން މުޙައްމަދު ލަޠީފަށް އޮތް ތާޢީދު ދައްކުވާލައިފިއެވެ. ފަސް ހާހަށްވުރެ ބޮޑު އާބާދީއެއް އޮތް ނައިފަރުގެ ކެމްޕެއިން ޓީމުން ވަނީ،ީ ކޭމަކާއެކު ކައިރީގައި އޮތް ހިންނަވަރުގެ ސަޕޯޓަރުންގެ ގާތަށް ގޮސްފައެވެ.
ހިންނަވަރަނީ، މިހާރުގެ ރައީސުލްޖުމްހޫރިއްޔާ އަދި ކުރިއަށް އޮތް ދައުރަށް ކުރިމަތިލައްވާފައިވާ އެމްޑީޕީގެ ރިޔާސީ ކެންޑިޑޭޓް އިބްރާހީމް މުޙައްމަދު ޞާލިޙްގެ އުފަން ރަށެވެ.
ނައިފަރު ރައްޔިތުން ކޭން ހިފައިގެން ހިންނަވަރަށް ދިޔަ ދިއުމަށް އިޝާރާތްކުރައްވާ ނައިފަރު ދާއިރާގެ މެންބަރު އަދި ޕީޕީއެމްގެ ނާއިބު ރައީސް އަޙްމަދު ޝިޔާމް ވިދާޅުވީ ފާދިއްޕޮޅު މީހުން ތަފާތުވާނެކަމަށާއި، ފޫގަޅާފައިވަނީ ޑރ.މުއިއްޒު އިންތިޚާބު ކުރުމަށްކަމަށެވެ. އަދި ފޫ މޮހެލާނީ މުޢިއްޒު ހޮވާފައިކަމަށްވެސް ޝިޔާމް ވިދާޅުވިއެވެ.
ޑރ.މުއިއްޒު މީގެ ކުރިން ދެފަހަރެއްގެ މަތިން ނައިފަރަށް ވަޑައިގަތުމުންވެސް އެރަށުގެ ރައްޔިތުންގެ ފަރާތުން ވަނީ ވަރަށް ހޫނު މަރުހަބާއެއް ދަންނަވާފައެވެ. މުއިއްޒު ވަނީ ނައިފަރު ރައްޔިތުންގެ ކައިރިއަށް ވަޑައިގެން ފުރަތަމަ ބުރުގައި ވެވަޑައިގެންނެވި ވައުދުތައް ރަނުން ރަނަށް ފުއްދަވާނެ ކަމުގެ ޔަޤީންކަން ދެއްވާފައެވެ.
