މި އިންތިޚާބުގަ އިދިކޮޅު ފަރާތްތައް ފެންނަނީ ގައުމާ ރައްޔިތުންނަށް ހުރި ބިރުވެރި ނުރައްކަލެއްގެ ގޮތުގައިކަމަށް ވިދާޅުވެ އަދާލަތު ޕާޓީގެ ރައީސް ޢިމްރާން ޢަބްދުﷲ، މަހިބަދޫ ދާއިރާގެ މެންބަރު އަޙްމަދު ޠާރިޤަށް ރައްދު ދެއްވައިފިއެވެ.
ޢިމްރާން މިފަދައިން ރައްދު ދެއްވީ ޢިމްރާންވެސް، ރައީސް އިބްރާހީމް މުޙައްމަދު ޞާލިޙްގެ ކޯލިޝަނުން ވަކިވެވަޑައިގެން ޑރ.މުޙައްމަދު މުޢިއްޒާ ގުޅިވަޑައިގަތުމަށް އުޅުއްވާކަމަށް ޚަރަބު ލިބިވަޑައިގެންފައިވާކަަމަށް ޠާރިޤް ވިދާޅުވުމާއި ގުޅިގެންނެވެ.
ޢިމްރާން ވަނީ ޠާރިޤަށް ހުވަފެނެއް ފެނިވަޑައިގަތީތޯ ސުވާލުކުރައްވާފައެވެ. އަދި ވިދާޅުވީ، ރައީސް ޞާލިޙަށް އިންތިޚާބަށް ނިކުމެވަޑައިގަތީ ރައްޔިތުންނާއި ޤައުމުގެ ހައްގުގައިކަމަށެވެ.
– ޢިމްރާން ޢަބްދުﷲ ވިދާޅުވިއެވެ.
ރިޔާސީ އިންތިޚާބުގެ ފުރަތަމަ ބުރުގައި އެމްޑީޕީގެ ރިިޔާސީ ކެންޑިޑޭޓް ރައީސް ޞާލިހާއިއެކު ބައިއަތު ހިފާފައިވާ އެމްޑީއޭއިން ދެވަނަ ބުރުގައި ރައީސް ޞާލިހާއިއެކު ހަދާފައިވާ އެއްބަސްވުން އުވާލައި ކޯލިޝަނުން ރޭ ވަނީ ވަކިވެފައެވެ.
ނަމަވެސް ޢިމްރާން ވިދާޅުވެފައިވަނީ އަދާލަތު ޕާޓީން، ރައީސް ޞާލިޙާއި، އެމްޑީޕީއާއެކު ދެމި ތިބޭނެކަމަށެވެ. އެމްޑީއޭގެ މިނިންމުމާއިއެކު ރިޔާސީ އިންތިޚާބުގެ ދެވަނަ ބުރުގައި ރައީސް ޞާލިހާއިއެކު ކޯލިޝަންގައި މަސައްކަތް ކުރާނީ އަދާލަތު ޕާޓީން އެކަންޏެވެ. ދެވަނަ ބުރުގެ ކެމްޕޭންގައި އެމްޑީއޭގެ ލީޑަރު އެއްވެސް ވަރަކަށް ނުފެންނަ އިރު، އެމްޑީއޭއިން މާބޮޑަކަށް ދެވަނަ ބުރުގެ ކެމްޕޭންގައި ޝާމިލްވާތަންވެސް ފެނިފައި ނުވެއެވެ.
