ހދ. ނޮޅިވަރަންފަރު އެމްޑީޕީގައި އިސްކޮށް ހަރަކާތްތެރިވާ ބޭފުޅުން ހިމެނޭހެން ގިނަ ބަޔަކު ޑރ. މުއިއްޒަށް ތާއީދުކޮށް ޕީޕީއެމްއާއި ގުޅިއްޖެއެވެ.
ރޭ ނޮޅިވަރަންފަރުގައި ބޭއްވި ކެމްޕޭން ޖަލްސާގައި ނޮޅިވަރަމުން ޕީޕީއެމްއާއި ގުޅުނު މީހުންގެ ފޯމުތަކާއި ހަވާލުވީ ރިޔާސީ ކެންޑިޑޭޓް ޑރ. މުއިއްޒާއި، ޕީޕީއެމް/ޕީއެންސީ ހިންގުމާއި ހަވާލުވެ ހުންނެވި އަބްދުއްރަހީމެވެ. ނޮޅިވަރަންފަރުން ރޭ ގުޅުނު މީހުންގެ ތެރޭގައި އެރަށު އެމްޑީޕީގައި އެންމެ އިސްކޮށް ހަރަކާތްތެރިވާ "ޗަމްޕާ" ވެސް ހިމެނެއެވެ.
ނޮޅިވަރަމްގައި ރޭ ބޭއްވި ޖަލްސާގައި އެރަށުގެ ރައްޔިތުން ވަނީ ކުރިއށް އޮތް ދެވަނަ ބުރުގައި ބޮޑު ތަފާތަކުން މުއިއްޒަށް އެރަށުން މެޖޯރިޓީ ހޯދައި ދޭނެކަމަށް ބުނެފައެެވެ.
އިންތިޚާބުގެ ދެވަނަބުރުގައި މުއިއްޒަށް ތާއީދުކޮށް ޕީޕީއެމްއާއި ގުޅޭ މެމްބަރުންގެ އަދަދުތައް ވަނީ ވަރަށް ބޮޑަށް އިތުރުވެފައެވެ.
