މިސަރުކާރަށް ދަނގެތި ދާއިރާގެ ރައްޔިތުން ވޯޓު ދެއްވަންޖެހޭ ހަމަ އެއްވެސް ސަބަބެއް ނެތްކަމުގައި ދަނގަތި ދާއިރާގެ މެމްބަރު އަދި ރައޔްިތުންގެ މަޖިލީހުގެ ދަނގެތި ދާއިރާގެ މެމްބަރު މުހައްމަދު ނާޒިމް ވިދާޅުވެއްޖެއެވެ.

ރިޔާސީ ކެމްޕޭންގައި މިއަދު ދަނގެތި ދާއިރާގެ ދަނގެއްޗަށް ޑރ.މުއިއްޒާއި ކެމްޕޭން ޓީމުން ދިއުމުން ވަނީ ހޫނު މަރުޚަބާއެއް ދަންނަވާފައެވެ. ނާޒިމް ވިދާޅުވީ މިސަރުކާރުގެ މިފަސް އަހަރުގައި ދަނގެތި ދާއިރާއަށް ވަރަށް ބޮޑަށް އިހުމާލު ވެފައިވާކަމަށެވެ. ދަނގެތި ރަށްތަކަށް މިސަރުކާރުން ވަނީ ވަރަށް ބޮޑަށް އިހުމާލު ވެފައިކަމަށް ނާޒިމް ވިދާޅުވިއެވެ.

މަޖިލިސް ތެރެއިން ދަނގެތި ދާއިރާއަށް އެތައް ކަމެއް ކޮށްދެއްވުމަށް ބަޖެޓުގެ ތެރެއިންނާއި ބަޖެޓުން ބޭރުންވެސް މަސައްކަތް ކުރި ކަމަށާއި ނަމަވެސް އެއިން އެއްވެސް ކަމެއް މިސަރުކާރުން ކޮށް ނުދިން ކަމަށެވެ. ދަނގަތީގައި މިހާރުވެސް އެންމެ އަސާސީ ޚިދުމަތްތައް ކަމުގައި ފެނާއި ނަރުދަމާގެ ޚިދުމަތުން ރައްޔިތުން މަޚުރޫމް ވެފައިވާއިރު މިސަރުކާރުން މިކަންކަމަށް ދިނީ ބީރު ކަންފަތެއް ކަމަށް ނާޒިމް ވިދާޅުވިއެވެ.

ނާޒިމް ވިދާޅުވީ ޑރ. މުއިއްޒުއާއި ގުޅި މިސަރުކާރު ބަދަލު ކުރަން މަސައްކަތް ފެށީ ޤައުމުގެ މިނިވަންކަމާއި ސިދާތާއި ދިވެހިންގެ ތަރައްޤީއަށްވެސް މިސަރުކާރުން އިހުމާލު ވެފައިވާތީކަމަށެވެ. ރާއްޖޭގެ ޚާރިޖީ ސިޔާސަތު މިއަދު އޮތީ އެހެން ޤައުމަކުން ބަސްބުނާ ހިސާބުގައި ކަމަށާއި، އަދި އެހެން ޤައުމު ތަކުގެ ސިފައިންނާއި ސިއްރު އެތައް އެއްބަސްވުންތަކެއް ހުރިކަމަށް ނާޒިމް ވިދާޅުވިއެވެ.