މީގެ ދެ ހަފްތާއެއް ހައިދުވަސް ކުރިން ދެވަނަ ދަރިފުޅު ލިބުނު މަޝްހޫރު ލަވަކިއުންތެރިއާ ރިހާނާ ގެ ދަރިފުޅުގެ ނަން ހާމަވެއްޖެވެ.
ފުރަތަމަ ދަރިފުޅަށް އަހަރު ނުވަނީސް ރިހާނާ ދެވަނަ ދަރިފުޅަށް ބަލިވެ އިންކަން ހާމަވިއިރުގައި ދެވަނަ އަށް ވެސް އޭނާ އަށް ލިބިފައިވަނީ ފިރިހެން ކުއްޖެއެވެ. ރިއާނާ، 34، އަށް ފުރަތަމަ ދަރިފުޅު ލިބުނީ 2022 އަހަރުގެ މެއި މަހު އެވެ. އެމީހުންނަށް ލިބިފައިވަނީ ފިރިހެން ކުއްޖެކެވެ.
View this post on Instagram
ރިޕޯޓްތައް ބުނި ގޮތުގައި އެ ދެމަފިރިންގެ ދެވަނަ ދަރިފުޅަށް ކިޔަނީ، ރިއޮޓް ރޯސް މޭޔާސް އެވެ. އެ ނަމަކީ ރޮކީ އާއި ފެރެލް ވިލިއަމްސް އެކީގައި ކިޔާފައިވާ ލަވަ "ރިއޮޓް" އަށް ނިސްބަތްކޮށް ކީ ނަމެއް ކަމަށް ވެސް ވެ އެވެ.
View this post on Instagram
އެތައް އަހަރެއް ވަންދެން ރަހުމަތްތެރިންގެ ގޮތުގައި ތިބުމަށްފަހު ރިއާނާ އާއި އެޕީ ރޮކީ ގުޅުނީ 2020 ވަނަ އަހަރު އެވެ. ރިހާނާ އަކީ ދުނިޔޭގެ އެންމެ މަޝްހޫރު އަންހެނުންގެ ތެރޭގައި ހިމެނޭ އަދި އެންމެ ބޮޑު އާމްދަނީއެއް ހޯދި މިއުޒިކް އާޓިސްޓުންގެ ތެރޭގައި ހިމެނޭ ފަންނާނެކެވެ. އަދި އޭނާ އަކީ އަމިއްލަ ފެޝަން ބްރޭންޑަކާއި ބިއުޓީ ލައިނެއް ހިނގާ ވިޔަފާރިވެރިއެކެވެ.
