ގެމަނަފުށި ގިނަ ޒުވާނުންތަކެއް މިއަދު ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒުއަށް ތާއީދުކޮސް ޕީޕީއެމްއާއި ގުޅިއްޖެއެވެ.
ރިޔާސީ ކެމްޕޭންގައި ޑރ.މުއިއްޒު މިއަދު ގެމަނަފުއްޓަށް ދިއުމުން އެރަށުގެ ކުދި ބޮޑު ގިނަ ބަޔަކު ނިކުމެ ވަނީ މުއިއްޒުއަށް ހޫނު މަރުހަބާއެއް ދަންނަވާފައެވެ. މިއަދު ގެމަނުފުށީގައި އޮތް ޖަލްސާގެ ފަހުން އެރަށުން މުއިއްޒުއަށް ތާއީދު ކުރި ޒުވާނުންގެ ފޯމުތަކާއި ހަވާލުވީ ޕީއެންސީގެ ރިޔާސީ ކެންޑިޑޭޓް ޑރ.މުއިއްޒުއާއި ކޯލިޝަން ހިންގެވުމާއި ހަވާލުވެ ހުންނެވި އަބްދުއްރަހީމެވެ.
މިއަދު ސޮއިކުރި ޒުވާނުންގެ ތެރޭގައި ގެމަނަފުށީގެ ޒުވާން ކެޔޮޅުންނާއި، މަސްވެރިންނާއި، ޢާންމު ގިނަ ބަޔަކުވެސް ހިމެނެއެވެ. ގެމަނަފުށީގެ ރައްޔިތުން ވަނީ މިއިންތިޚާބުގައި ގެމަނަފުށިން މެޖޯރިޓީ ލިބޭނެ ކަމުގެ ޔަގީންކަން މުއިއްޒުއަށް ދެއްވާފައެވެ.
ރިޔާސީ ކެމްޕޭންގައި މުއިއްޒު ވަޑައި ގަންނަވާ ގިނަ ރަށްތަކުން ޕީޕީއެމްއާއި ގުޅި ގެންދަނީ ޑރ. މުއިއްޒުއަށް ތާއީދު ކުރައްވަމުންނެވެ.
ކޮމެންޓު ފޮނުވާ