މަލައިކާ އަރޯރާ އާއި އަރުޖުން ކަޕޫރު ގެ ލޯބީގެ ވާހަކަ އަކީ ބޮލީވުޑްގައި މަޝްހޫރު ވާހަކައެކެވެ. އަދި އެދެމީހުން ރައްޓެހި ވެގެން އުޅޭކަން ގޮތެއްގައި އިއުލާން ކުރުމަށް ފަހު ދެމީހުން އުޅެމުން ދިއައީ ވަރަށް ހާމަކަން ބޮޑު ގޮތަކަށެވެ.
އެގޮތުން އެކުގައި ޗުއްޓީ ދަތުރުތަށް ދިއުމާއި އެކުގައި އިވެންޓްތަކަށް ދިއުން ފަދަ އެތަށް ކަމެއް އެމީހުން ކުރިއެވެ. އަދި މީޑިއާގައި އެކަކު އަނެއްކަކަށް ތައުރީފް ކޮށް ވާ ލޯބި ހާމަ ވެސް ކުރިމެއެވެ.
ނަމަވެސް މިހާރު މީޑިއާގައި އެންމެ ބޮޑަށް ދެކެވޭ އެއް ވާހަކައަކީ އެދެމީހުންގެ ލޯބީގައި ފުލުސްޓޮޕް ޖެހުނު ވާހަކައެވެ. މި ވާހަކަތައް ސުރުހީތަކަށް އަންނަން ފެށީ އަރްޖުން ކަޕޫރު ސޯލޯ ރިޓްރީޓެއް ގައި އުޅުނު އިރު، ޗާޔާ ޗަޔާ ގާލް ގެ ގޮތުގައި މަޝްހޫރު ލޯބިވެރިއާ މައލައިކާ އަރްޖުން ކަޕޫރުގެ އެންމެ ފަހުގެ ފޮޓޯތަކަށް ރިއެކްޓް ނުކުރުމުންނެވެ.
View this post on Instagram
މަލައިކާއާ ގުޅުން ކަނޑާލި ކަމަށް ބުނާ އަރްޖުން މިހާރު އައު ލޯބިވެރިއަކު ހޯދި ކަމުގެ އަޑުތައް ފެތުރެން ފެށުމުން އެ ވާހަކަތައް އާދަޔާ ހިލާފު ވެގެން ދިޔަ އެވެ. އެއާއި އެކުގައި މަލައިކާ ވަނީ އޭނާގެ އިންސްޓަގްރާމް ސްޓޯރީގައި ކްރިޕްޓިކް ނޯޓެއް ހިއްސާކޮށް، މިހާރު ވެސް ފެތުރެމުންދާ އަލިފާން ފަދަ ތިއަރީތަކަށް ތެޔޮ އަޅާފަ އެވެ.
އިއްޔެގެ ހެނދުނު އިންސްޓަގްރާމްގައި މަލައިކާ ކުރި ޕޯސްޓެއްގައި ބުނެފައި ވަނީ ބަދަލަކީ ދިރިއުޅުމުގެ ގާނޫން ކަމަށެވެ. އަދި ހަމައެކަނި ފާއިތުވި ދުވަސްތަކަށް ނުވަތަ މިހާރުގެ ހާލަތަށް ބަލާ މީހުންނަށް މުސްތަގުބަލު ގެއްލޭނެކަން ޔަގީން ކަމަށް އޭނާގެ ޕޯސްޓްގައި ވަނީ ބުނެފައިއެވ.
View this post on Instagram
މަލައިކާ އާއި އަރްޖުން ލޯބީގެ ގޮތުން ގުޅިގެން އުޅޭތާ އެތައް އަހަރެއް ވެއްޖެ އެވެ. ނަމަވެސް 2019 ވަނަ އަހަރު އެމީހުން ވަނީ އެކަން ރަސްމީކޮށް އިއުލާންކޮށްފަ އެވެ. އެއާއި އެކުގައި ގިން ބަޔަކު ވަނީ އެގުޅުމަށް ފާޑުކިޔައިފައިއެވެ. މަލައިކާގެ އުމުރަކީ 49 އަހަރެވެ. އަދި އަރުޖުން އަށް ވީ އެންމެ 38 އަހަރެވެ.
މަލައިކާ އާއި އަރުޖުން ގެ އުމުރުގެ ބޮޑޫ ފަރަގު އެއީ އަބަދުވެސް މީހުން ދައްކަމުން އަންނަ ވާހަކައެކެވެ. ނަމަވެސް އެއިން އެއްވެސް ކަމަކަށް އެމީހުން ފަރުވާލެއް ނުބަހައްޓައެވެ. އަރުޖުން އަށް ވުރެ އެތަށް އަހަރެއް ދޮށީ މަލައިކާ އަކީ ސަލްމާން ގެ ކޮއްކޮ އަދި އެކްޓަރު އަރުބާޒުގެ ކުރީގެ އަންހެނުންނެވެ. އެ ދެމީހުން ނަށް ވަނީ ފިރިހެން ކުއްޖެއް ވެސް ލިބިފައިއެވެ. އެއީ މިހާރު ޒުވާން އުމުރުން 20 އަހަރުގެ އަރްހާން ހާންއެވެ.
