ގއ. ގެމަނަފުށީ ކައުންސިލްގެ ޕީޕީއެމް އިބްރާހިމް މެމްބަރު ޝަފުރާޒު ވެރިކަން ކުރާ މައި ޕާޓީ އެމްޑީޕީއަށް ސޮއިކޮށްފިއެވެ.
ގެނަމަފުށީ ކައުންސިލް މެމްބަރު ޝަފުރާޒު އެމްޑީޕީއަށް ސޮއިކޮށް ފޯމު ހަވާލު ކުރެއްވީ ފިނޭންސް މިނިސްޓަރ އިބްރާހިމް އަމީރުއާއިއެވެ. މިރަސްމިއްޔާތުގައި އެމްޑީޕީގެ ޗެއާޕާސަން ފައްޔާޒު އިސްމާއިލާއި، ގެނަމަފުށީ ދާއިރާގެ މެމްބަރުވެސް ބައިވެރިވެ ވަޑައިގެންނެވިއެވެ.
ރިޔާސީ އިންތިޚާބުގެ ކެމްޕޭންގައި އެމްޑީޕީއަށް ބައެއް ރަށްރަށުގެ ކައުންސިލް މެމްބަރުންނާއި، އާންމު މެމްބަރުންވެސް ދަނީ ސޮއި ކުރަމުންނެވެ. މިގޮތުން ދާދިފަހުން ގައްދޫ ކައުންސިލް ރައީސާއި، އެކައުންސިލްގެ ޕީޕީއެމް މެމްބަރުވެސް ވަނީ އެމްޑީޕީއަށް ސޮއިކޮށްފައެވެ.
ގއ.ގެމަނަފުށީ ކައުންސިލްގެ ޕީޕީއެމް މެމްބަރ، ގއ. ގެމަނަފުށީ/އޯޝަން، އިބްރާހީމް ޝަރުފާޒު އެމްޑީޕީއަށް ސޮއިކުރައްވައިފައި.#IbuAslam2023 #VoteMDP#UfaaverAmaanRaajje pic.twitter.com/RvsnHUmU3z
— MDP Secretariat (@MDPSecretariat) August 22, 2023
ރިޔާސީ އިންތިޚާބު އެއްބުރުން ކާމިޔާބު ކުރުމަށް އެމްޑީޕީން އަމާޒު ހިފާފައިވާއިރު، ޚިޔާލް ތަފާތުވުމުގައި އެޕާޓީން ވަކިވި ބައެއް މެމްބަރުންވެސް ދަނީ އެމްޑީޕީއާއި އަލުން ގުޅެމުންނެވެ.
