ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު މިއަދު ބ.ތުޅާދޫއަށް ވަޑައިގެންނުމަށް ހަމަޖެހިފައިވާ ދަތުރާއި ގުޅިގެން އެރަށުގައި އަޑު އުފުލުމަށް މަސައްކަތް ކުރި ޕީޕީއެމްގެ ބައެއް މީހުން ހައްޔަރު ކުރަން ފަށައިފިއެވެ.

މިކަމާއި ގުޅިގެން ޕީޕީއެމްއިން ނެރުނު ބަޔާނުގައި ބުނީ ބ.ތުޅާދޫ ޙަރަކާތަށް ސަރުކާރުން ހުރަސް އަޅާ ބައިވެރިންނަށް އަނިޔާކޮށް، ތަކެއްޗަށް ގެއްލުންދީ އެތައް ބަޔަކު ހައްޔަރުކުރުން އެންމެ ހަރުކަށި އިބާރާތުން ކުށްވެރި ކުރާކަމަށެވެ.

މިއަދު ބ. ތުޅާދޫގައި ކުރިއަށް ގެންދެވުނު ސިޔާސީ ޙަރަކާތަކަށް ސަރުކާރުން ހުރަސްއެޅުމުގެ ގޮތުން ފުލުހުން ފޮނުވާ، ސުލްޙަވެރިކަމާއެކު ކުރިއަށް ގެންދެވުނު ޙަރަކާތަށް ހުރަސްއަޅާ، ތަކެއްޗަސް އެކިވަރުގެ ގެއްލުން ދިނުމުގެ އިތުރުން، އެތައް ރައްޔިތުންނަކަށް އަނިޔާކޮށް އަދި ބައެއް ބައިވެރިން ހައްޔަރުކުރުން އެންމެ ހަރުކަށި އިބާރާތުން ކުށްވެރިކުރާކަމަށް މިބަޔާނުގައި ވަނީ ބުނެފައެވެ.

މި ސިޔާސީ ޙަރަކާތަކީ، އެކޯލިޝަންގެ ލީޑަރ އަދި ޕީޕީއެމްގެ ރައީސް ރައީސް ޔާމީން ޢަބްދުލްޤައްޔުމަށް ސިޔާސީ ނުފޫޒުން ޙައްޤު ނޫން ޙުކުމެއްޖަހައި، އެމަނިކުފާނަށް ސަރުކާރުން ވަމުންދާ އަނިޔާއާއި ދެކޮޅަ އަޑުއުފުލާ އެމަނިކުފާނު މިނިވަން ކުރުމަށް ގޮވާލާ ސުލްޙަވެރިކަމާއެކުޔ ބ. ތުޅާދޫގައި ކުރިއަށް ގެންދެވުނު ޙަރަކާތެއްކަމަށް ވަނީ ބުނެފައެވެ.

އެއީ ޑިމޮކްރަސީގެ ރޫޙާއިވެސް ޚިލާފަށް ހިންގާ ޖަރީމާއެއްކަމުގައި ދެކެމެވެ. އެހެންކަމުން ޙައްޔަރުކޮށްފައިވާ އެންމެން މިހާރުން މިހާރަށް ދޫކޮށްލުމަށާއި، ޙަރަކާތަށް ހުރަސް އެޅުމުގައި، ފުލުހުން ޙާލަތާއި ނުބައްދަލު ބާރުގެ ބޭނުންކުރުމުގެ ސަބަބުން ގެއްލުން ލިބުނު ތަކެތީގެ ބަދަލު ދިނުމަށް ގޮވާލަން. ހަމައެއާއެކު ޣައިރު ޤާނޫނީ ޢަމުރުތަކަށް ކިޔަމަން ނުވަމަށްވެސް ފުލުހުންނަށް ނަސޭޙަތްތެރިވަން.

– ޕީޕީއެމްއިން ވަނީ ބުނެފައެވެ.

Thulhaadhoo ah choaru annaathi PPM ge hurihaa fothi thakeh fuluhun kadamun dhanee.

Thulhaadhoo ga iskoh ulhey PPM Memberun hayyaru kohgen Eydhafushi ah gen gossi pic.twitter.com/kuZHTXg3AH

— Riyattey (@riyyatey) August 21, 2023

ސަރުކާރާއި ދެކޮޅަށް އަޑު އުފުލާ ފަރާތްތަކަށް އަނިޔާވެރިވެ އެމީހުން ގެންގުޅޭ ތަކެއްޗަށް ގެއްލުންދީ އެވެސް ކުށެއްނެތި ހައްޔަރުކުރުމަކީ ބަލައިގަންނަ ކަމެއް ނޫންކަމަށް ވަނީ ބުނެފައެވެ.