ރާއްޖޭގެ ރައްޔިތުންނަކީ އިޤްތިޞާދީ ދުޅަހެޔޮ ބަޔަކަށް ހެދުމަށްޓަކައި ރާއްޖޭގެ އުތުރާއި ދެކުނުގައި ޓްރާސްޝިޕްމަންޓް ބަނދަރު ޤާއިމްކޮށް، އިޤްތިޞާދީ އާރޯކަން ގެނެސް ދެއްވާނެކަމުގެ އުފާވެރި ޚަބަރު ޑރ.މުއިއްޒު ދެއްވައިފިއެވެ.
ޑރ.މުއިއްޒު ހުށަހަޅުއްވައިދެއްވި މިމެނިފެސްޓޯގައި މުޅި ރާއްޖެއަށް އިޤްތިޞާދީ މަންފާ ލިބޭނެ އުފާވެރި ޚަބަރުތައް ވަނީ ދެެއްވާފައެވެ. މުއިއްޒުގެ އުފާވެރި ޚަބަރު އުތުރުގެ އެންމެ ބޮޑު އާބާދީ އޮތް ބޮޑު ތިލަދުން މަތީ ރައްޔިތުން ހިމެނޭހެން މުޅި އުތުރުގެ ރައްޔިތުންނަށް މަންފާވާނެ އުންމީދީ ތަސައްވަރެއް ވަނީ ހުށަހަޅާ ދެއްވާފައެވެ.
މުއިއްޒު ވިދާޅުވީ މާލޭ އާރބަން ރީޖަންގެ އިތުރުން، މަތީ ފަންތީގެ ޚިދުމަތްލިބޭ ސަރަޙައްދެއް ގޮތުގައި، ހއ. އަތޮޅާއި، ހދ. އަތޮޅު އަދި ށ. އަތޮޅު ހިމެނޭ އުތުރުގެ ތަރައްޤީގެ ޒޯނުގައި، އިދާރީ މައި ހަބުގެ ގޮތުގައި ހދ. ކުޅުދުއްފުށި ހިމަނައިގެން؛ ބައިނަލް އަޤްވާމީ ދޮރާއްޓެއްގެ ގޮތުގައި ހދ. ހަނިމާދޫ ޤާއިމުކޮށް، ހއ، އިހަވަންދިއްޕޮޅުގައި ބައިނަލްއަޤްވާމީ ޓްރާންސްޝިޕްމަންޓް ބަނދަރެއް ޤާއިމު ކޮށްދެއްވާނެކަމަށެވެ.
އަދި މާލޭ އާރބަން ރީޖަންގެ އިތުރުން، މަތީ ފަންތީގެ ޚިދުމަތްލިބޭ ސަރަޙައްދެއް ގޮތުގައި، ގއ. އަތޮޅާއި، ގދ. އަތޮޅާ، ފުވައްމުލަކު ސިޓީ އަދި އައްޑޫ ސިޓީ ހިމެނޭ ދެކުނުގެ ތަރައްޤީގެ ޒޯނުގައި، އިދާރީ މައި ހަބުގެ ގޮތުގައާއިި ބައިނަލްއަޤްވާމީ ދޮރާއްޓެއްގެ ގޮތުގައި އައްޑޫ ސިޓީ ހިމަނައިގެން، ބައިނަލްއަޤްވާމީ ޓްރާންސްޝިޕްމަންޓް ބަނދަރަކާއި، ޞިނާޢީ މަސައްކަތްތަކާ، މަސްވެރިކަމާ، ދަނޑުވެރިކަމާ، މެރިކަލްޗަރުގެ އިތުރުން ފަތުރުވެރިކަމުގެ ވަޞީލަތްތައް ފުޅާކޮށް، ތަރައްޤީކުރައްވާނެކަމަށް މުއިއްޒު ވިދާޅުވިއެވެ.
މުއިއްޒު ވިދާޅުވީ މިވައުދުތަކަކީ މުޅި ރާއްޖެއަށް މިގެނެސް ދެއްވާ ތަރައްޤީއަކީ އެކަމުގެ މަންފާ މުޅި ރާއްޖެއަށް ލިބިގެންދާނެކަމަށެވެ. އަދި މިރޭ ވެވަޑައިގެންނެވި ކޮންމެ ވައުދަކީ ފުއްދާނެ ވައުތަކެއްކަމުގެ ޔަގީންކަން މުއިއްޒު ވަނީ ދެއްވާފައެވެ. މުއިއްޒު ވިދާޅުވީ މިކަންކަން ކޮށްދޭނީ ރައްޔިތުންނަށް އުފާފާގަތިކަން ލިބޭނެ ގޮތަކަށް ރައްޔިތުން ބޭނުންވާ ގޮތަށް ކަމަށެވެ.
