މަލްޓިޕާޓީ ނިޒާމުުގެ ތެރެއިން މިހާތަނަށް ބޭއްވުނު ކޮންމެ އިންތިޚާބެއްގައިވެސް އަދާލަތު ޕާޓީގެ ދައުރު ބޮޑު ކަމަށާއި، ނަމަވެސް މިހާތަނަށްވެސް އަދުލުވެރި ނިޒާމެއް ޤާއިމް ކުރުމަށް ގިނަ މަސައްކަތްތަކެއް ކުރަންޖެހޭ ކަމަށް އެޕާޓީގެ ރައީސް އިމްރާން ވިދާޅުވެއްޖެއެވެ.

އަދަލާތު ޕާޓީގެ 18 ވަނަ އަހަރީ ދުވަހު ދެއްވި ޚާއްސަ އިންޓަރވިއުއެއްގައި އިމްރާން ވިދާޅުވީ ރާއްޖޭގެ ސިޔާސީ އިސްލާހީ ހަރަކާތުގައި އަދާލަތުން ވަރަށް މުހިންމު ދައުރެއް އަދާކޮށްފައިވާކަމަށެވެ. މަލްޓި ޕާޓީ ނިޒާމުގެ ތެރެއިން އުފުދުނު ކޮންމެ ވެރިކަމެއްގައިވެސް އަދާލަތާއި ނުލައިވެރިކަން ގާއިމް ކުރުމަކީ މިހާތަނަށް ވެފައި ނެތްކަމެއް ކަމަށް އިމްރާން ވިދާޅުވިއެވެ.

އޭނާ ވިދާޅުވީ އެޕާޓީން މިހާތަނަށް ކުރި އެންމެ މުހިންމު މަސައްކަތަކީ އިސްލާމީ ހޭލުންތެރިކަމާއި، އިސްލާމީ ދައުވަތު މުޅި ރާއްޖެއަށް ފެތުރުން ކަމަށެވެ. މިކަން މިހާތަނަށް އަދާލަތު ޕާޓީގެ އިލްވެރިންނާއި، ޕާޓީގެ އާންމު މެންބަރުން ވަރަށް ރަނގަޅަށް އަދާކޮށްފައިވާކަމަށް އިމްރާން ވިދާޅުވިއެވެ. ހަމަ މިއާއިއެކު މިހަރަކާތުގައިި ދީނި ނަސޭހަތް ދިނުމާއި، ހޭލުންތެރިކަން އިތުރު ކުރުމަށް މުހިންމު ހަރަކާތްތަކެއް ހިންގިފައިވާކަމަށް އިމްރާން ވިދާޅުވިއެވެ.

ޢަދާލަތު ޕާޓީގެ 18 ވަނަ އަހަރީ ދުވަހުގެ މުނާސަބަތުގައި ޕާޓީގެ ރައީސް ފަޟީލަތުއްޝައިޚް ޢިމްރާން ޢަބްދުالله ދެއްވި ޚިތާބު. pic.twitter.com/1HVo1ylZs1

— Adhaalath Party (@AdhaalathOffice) August 18, 2023

އިމްރާން ވިދާޅުވީ މިވީ 18 އަހަރު އަދާލަތު ޕާޓީ ދެމިއޮތީވެސް ގިނަ ގޮންޖެހުންތަކާއި އެކުގައި ކަމަށެވެ. އަދަލާތާއި އެކު އުފެދުނު އެތައް ޕާޓީއެއް މިހާރުވެސް އުވި ގޮސްފައިވީނަމަވެސް އަދާލަތަށް ދެމި އޮވެވުނީ ކުރެވުނު ބުރަ މަސައްކަތުން ކަމަށް އިމްރާން ވިދާޅުވިއެވެ. އިމްރާން ވިދާޅުވީ މިހާރުވެސް ކުރަންޖެހޭ އަދި ހާސިލްނުވެ އޮތް ކަމަކީ އަދުލުވެރި ނިޒާމެއް ގާއިމްކުރުން ކަމަށެވެ. އެކަން ކުގައި އަދިވެސް ކުރަންޖެހޭ ގިނަ މަސައްކަތަކެއް ހުރިކަން އިމްރާން ފާހަގަ ކުރެއްވިއެވެ.