ބޮލީވުޑްގެ ކުރިއަށް އޮތް ފިލްމް "12ތް ފެއިލް" އަންނަ އޮކްޓޯބަރު މަހުގެ 27 ވަނަ ދުވަހު ސިނަމާތަކަށް އަންނާނެ ކަމަށް ފިލްމު އުފައްދާ ފަރާތްތަކުން އިއުލާން ކޮށްފިއެވެ.
ޑައިރެކްޓަރު ވިދޫ ވިނޯދް ޗޯޕްޅާގެ މި ފިލްމް އަކީ ވަރަށް އުންމީދީ ފިލްމްއެކެވެ. ކުޅަދާނަ އެކްޓަރު ވިކްރާންތް މެސީ މި ފިލްމް ގެ ލީޑުން ފެނިގެންދާ އިރުގައި މީ ވަރަށް އަސަރުގަދަ ފިލްމް އަކަށް ވެގެންދާނެއެވެ.
އައިޕީއެސް އޮފިސަރު މަނޯޖް ކުމާރު ޝަރުމާ އާއި އައިއާރުއެސްގެ އޮފިސަރު ޝްރަދާ ޖޯޝީގެ ހިތްގައިމު ދަތުރުގެ ވާހަކަ ކިޔައިދޭ އަނޫރާގް ޕަތަކް އެންމެ ގިނައިން ވިއްކާ ނޮވެލްގެ މައްޗަށް ބިނާކޮށް ހަދާ މި ފިލްމްގެ ފުރަތަ ޓިޒާ ވެސް ވަނީ ދައްކައިލައިފައިއެވެ.
ޝަރަފުވެރި ޔޫޕީއެސްސީ އިމްތިހާނަށް ތައްޔާރުވާ ދަރިވަރުންގެ ދަތުރުގެ މަންޒަރެއްގެ ގޮތުގައި ސިފަކުރާ 12 ވަނަ ފެއިލް ޕްރޮޑިއުސްކުރަނީ ޒީ ސްޓޫޑިއޯއިންނެވެ. ފިލްމް ރިލީޒް ކުރުމަށް ތާވަލް ކޮށްފައިވަނީ އޮކްޓޯބަރު މަހުގެ 27 ވަނަ ދުވަހުގައިއެވެ.
