ހުވަދު އަތޮޅަށް ކުރެއްވި 3 ދުވަހުގެ ކެމްޕޭން ދަތުރުފުޅު ނިންމަވާލެއްވުމަށްފަހު ރައީސް ސާލިހު ރޭ މާލެ ވަޑައިގެންފިއެވެ.
ކުރިޔަށް އޮތް ރިޔާސީ އިންތިޚާބަށް ކެމްޕޭން ކުރުމަށް ރައީސް ސާލިހު ހުވަދޫ އޮތޮޅަށް ކުރެއްވި މި ދަތުރުފުޅުގައިވަނީ، ގދ. ތިނަދޫ ފިޔަވާ ގދ. އަދި ގއ. ގެ ހުރިހާ ރަށަކަށް ވަޑައިގެންފައެވެ. މި ދަތުރުފުޅުގައި ރައީސް ސާލިހުވަނީ ދެ އަތޮޅުގެ ގިނަ ރަށްތަކުގައި ހިނގަމުންދާ ގިނަ މަޝްރޫޢުތަކެއް އިފްތިތާހު ކޮށްދެއްވާ އަދި ކުރިޔަށް އޮތް 5 އަހަރު ދުވަހު އެ ދެއަތޮޅުގައި ކުރިޔަށް ގެންދަވާނެ މަޝްރޫއުތަކާއި ގުޅުންހުރި ގިނަ ވައުދުތަކެއް ވެވަޑައިގެންފައެވެ.
ހުވަދޫ އަތޮޅަށް ރައީސް ސާލިހު ވަޑައިގެންނެވީ ދ. އަތޮޅަށް ކުރެއްވި ކެމްޕޭން ދަތުރަށް ފަހުއެވެ. ދެން ރައީސް ސާލިހު ވަޑައިގެންނެވުމަށް ހަމަޖެހިފައިވަނީ ނ އަތޮޅަށެވެ. މިއަހަރުގެ ރިޔާސީ އިންތިޚާބަށް ކެމްޕޭން ކުރެއްވުމަށް މިހާތަނަށް ރައީސް ސާލިހު ވަނީ ރާޖޭގެ %30 އާއި ގާތްކުރާ އަދަދަކަށް ރަށްރަށަށް ވަޑައިގެންފައެވެ.
މި ކެމްޕޭންގައި ރާއްޖޭގެ ހުރިހާ ރަށަކަށް ވަޑައިގަތުމަށް ރައީސް ސާލިހު ވަނީ ހަމަޖެހިފައެވެ.
ކޮމެންޓު ފޮނުވާ