ރައީސް ނަޝީދު އިސްކޮށް ހުންވައިގެން އުފެއްދި ދަޑިމޮކްރެޓްސް އުފެއްދުމާއި ގުޅިގެން އެމްޑީޕީން ވަކިވި، ރަސްދޫ ކައުންސިލް ރައީސާއި، ނައިބް ރައީސް ރައީސް އަލުން އެމްޑީޕީއާއި ގުޅިއްޖެއެވެ.
ޑިމޮކްރެޓްސް އުފެދުމާ ގުޅިގެން އެމްޑީޕީން ވަކިވެވަޑައިގެންނެވި ރަސްދޫ ކައުންސިލްގެ ރައީސް ނާހިދު އަދި އެކައުންސިލްގެ ނައިބު ރައީސް އަނިލް އަލުން އެމްޑީޕީއާއި ގުޅި ފޯމު ހަވާލު ކުރެއްވީ އެމްޑީޕީގެ ރިޔާސީ ކެނޑިޑޭޓް ރައީސް ޞާލިހާއެވެ. އެމްޑީޕީން ވަނީ އެދެބޭފުޅުން އަލުން ގުޅިވަޑައި ގަތުމުން ވަރަށް ހޫނު މަރުހަބާއެއް ދަންނަވާފައެވެ.
ޑިމޮކްރެޓްސް އުފެދުމާއި ގުޅިިގެން އެޕާއާއި ގުޅުނު އެމްޑީޕީގެ ބައެއް ބޭފުޅުން ގެންދަނީ އެޕާޓީން ވަކިވެ އަލުން އެމްޑީޕީއާއި ގުޅެމުންނެވެ. އެގޮތުން މިއަދުވެސް އެޕާޓީއާއި ގުޅުނު ބައެއް ފަރާތްތަކަށް ވަނީ ޕާޓީން ވަކިވެ ގިނަ ކަންބޮޑުވުންތަކެއް ފާޅުކޮށްފައެވެ.
ޑިމޮކްރެޓްސް އުފެދުމާ ގުޅިގެން އެމްޑީޕީން ވަކިވެވަޑައިގެންނެވި ރަސްދޫ ކައުންސިލްގެ ރައީސް ނާހިދު އަދި އެކައުންސިލްގެ ނައިބު ރައީސް އަނިލް އަލުން އެމްޑީޕީއާ ގުޅިވަޑައިގަތުމުން ވަރަށް ހޫނު މަރުހަބާއެއް ދަންނަވަން.#Ibu2023 #VoteMDP#UfaaveriAmaanRaajje pic.twitter.com/gmQg5zlmMS
— MDP Secretariat (@MDPSecretariat) August 4, 2023
ރައީސް ނަޝީދު ވިދާޅުވެފައިވަނީ ޑިމޮކްރެޓްސްގެ އެންމެ ބޮޑު އަމާޒަކީ އެމްޑީޕީ ރޫޅާލުމެވެ. ޑިމޮކްރެޓްސްއަށް ސޮއިކުރުމަށްފަހު ބޭއްވި ޖަލްސާގައި ރައީސް ނަޝީދު ވިދާޅުވީ އެމްޑީޕީ ރޫޅާލާނެ ކަމަށެވެ. އަދި ރައީސް ޞާލިހަށް މިއިންތިޚާބު ކާމިޔާބު ނުވާނެކަމުގެ ފުރިހަމަ ޔަގީންކަން އޮތްކަމަށް ރައީސް ނަޝީދު ވަނީ ވިދާޅުވެފައެވެ.
މިފަހަރުގެ ރިޔާސީ އިންތިޚާބުގައި ރައީސް ޞާލިހުގެ އެންމެ ދުވަސްވީ ގާތް އެކުވެރިޔާ ރައީސް ނަޝީދު ވެފައިވަނީ ރައީސް ޞާލިހުގެ އެންމެ ބޮޑު ވާދަވެރިޔާއަށެވެ.
